Túrkiia prezidenti Rejep Taiip Erdoǵannyń NATO-nyń sońǵy sammiti kezinde aliansqa múshe elderdiń basshylaryna syilaǵan tapanshasy halyqaralyq deńgeide qyzý talqylanyp jatyr, dep habarlaidy dalanews.kz.
Keibir eýropalyq kóshbasshylar óz elderindegi qarý-jaraqqa qatysty qatań zańnamanyń saldarynan bul syilyqty el aýmaǵyna kirgizýde qiyndyqtarǵa tap bolǵan. AQSh prezidenti Donald Tramp Erdoǵannan alǵan syilyǵyn kópshilikke kórsetip, jaǵdaiǵa ironiiamen pikir bildirdi.
«Meniń dosym Erdoǵan maǵan myna keremet tapanshany syilady. Óte ádemi eken, solai emes pe, Piter?», - deidi Tramp.
Osydan keiin ol eýropalyq áriptesterine ázil aralas pikir aitty.
«Keibir eýropalyq kóshbasshylar ony óz elderine de kirgize almapty. Buǵan senesizder me? Múmkin, olarǵa sý atqysh tapansha syilaý kerek bolǵan shyǵar. Biraq onda olar Eýropany qalai qorǵamaq?»
Reseilik buqaralyq aqparat quraldary da bul oqiǵany mysqylmen sipattap, hattamalyq syilyqtyń kútpegen jerden Eýropadaǵy qaýipsizdik talaptary men qarý ainalymyna qatysty zańnamany synaityn jaǵdaiǵa ainalǵanyn jazdy.
