تٷركييا پرەزيدەنتٸ رەجەپ تاييپ ەردوعاننىڭ ناتو-نىڭ سوڭعى سامميتٸ كەزٸندە اليانسقا مٷشە ەلدەردٸڭ باسشىلارىنا سىيلاعان تاپانشاسى حالىقارالىق دەڭگەيدە قىزۋ تالقىلانىپ جاتىر, دەپ حابارلايدى dalanews.kz.
كەيبٸر ەۋروپالىق كٶشباسشىلار ٶز ەلدەرٸندەگٸ قارۋ-جاراققا قاتىستى قاتاڭ زاڭنامانىڭ سالدارىنان بۇل سىيلىقتى ەل اۋماعىنا كٸرگٸزۋدە قيىندىقتارعا تاپ بولعان. اقش پرەزيدەنتٸ دونالد ترامپ ەردوعاننان العان سىيلىعىن كٶپشٸلٸككە كٶرسەتٸپ, جاعدايعا يرونييامەن پٸكٸر بٸلدٸردٸ.
«مەنٸڭ دوسىم ەردوعان ماعان مىنا كەرەمەت تاپانشانى سىيلادى. ٶتە ەدەمٸ ەكەن, سولاي ەمەس پە, پيتەر?», - دەيدٸ ترامپ.
وسىدان كەيٸن ول ەۋروپالىق ەرٸپتەستەرٸنە ەزٸل ارالاس پٸكٸر ايتتى.
«كەيبٸر ەۋروپالىق كٶشباسشىلار ونى ٶز ەلدەرٸنە دە كٸرگٸزە الماپتى. بۇعان سەنەسٸزدەر مە? مٷمكٸن, ولارعا سۋ اتقىش تاپانشا سىيلاۋ كەرەك بولعان شىعار. بٸراق وندا ولار ەۋروپانى قالاي قورعاماق?»
رەسەيلٸك بۇقارالىق اقپارات قۇرالدارى دا بۇل وقيعانى مىسقىلمەن سيپاتتاپ, حاتتامالىق سىيلىقتىڭ كٷتپەگەن جەردەن ەۋروپاداعى قاۋٸپسٸزدٸك تالاپتارى مەن قارۋ اينالىمىنا قاتىستى زاڭنامانى سىنايتىن جاعدايعا اينالعانىن جازدى.
