Stambuldyń aýyr qylmystar jónindegi soty Ózbekstannyń eki azamaty – Dilshod Týrdimýratov pen Gafýrjon Kamolhodjaevty eki otandasyn óltirgeni úshin árqaisysyn ómir boiyna bas bostandyǵynan aiyrdy. Bul týraly UzDaily.uz habarlady, dep jazady dalanews.kz.
Sot 31 jastaǵy Týrdimýratov pen 29 jastaǵy Kamolhodjaevty Dýrdona Hakimova men Saiera Ergashalievany asa qatigezdikpen óltirdi dep aiyptady.
Budan bólek, urlyq jasaǵany úshin olardyń árqaisysyna eki ret jeti jyldan bas bostandyǵynan aiyrý jazasy taǵaiyndaldy.
Qylmys 2026 jyldyń basynda bolǵan. 24 qańtarda Stambuldaǵy qoqys konteinerleriniń birinen bólshektelgen áieldiń denesi tabylǵan. Politsiia kúdiktilerdi anyqtap, Túrkiiadan ketpek bolǵan sátinde Stambul áýejaiynda ustaǵan.
Keiingi tergeý barysynda buǵan deiin sol páterde taǵy bir Ózbekstan azamatynyń qaza tapqany anyqtalǵan. Tergeý deregine sáikes, ekinshi áieldiń de denesi bólshektelip, qaldyqtary qoqys konteinerine tastalǵan.
Sot otyrysynda aiyptalýshylardyń ustanymy ártúrli boldy. Kamolhodjaev Saiera Ergashalievany jalǵyz ózi óltirgenin aityp, bul epizod boiynsha ekinshi sottalýshynyń kinásin joqqa shyǵarǵan.
Al Týrdimýratov sońǵy sózinde jasaǵan áreketine aqtaý joq ekenin aityp, ókinish bildirgen jáne eń qatań jazaǵa laiyq ekenin málimdegen.
