Baıqaýǵa aýdan ákimi N.Turashbekov, Halyqaralyq «Alash», «Baýyrmal» syılyqtarynyń laýreaty, jazýshy-jýrnalıst M.Baıǵut, Qazaqstan Respýblıkasynyń qurmetti jýrnalısi, Túrkistan oblysynyń qurmetti azamaty B.Qonysbek, jazýshy, profesor N.Qadyrbaev, aqyn, túriktanýshy S.Sahabat jáne aýdan turǵyndary men zıaly qaýym ókilderi qatysty. Aldymen baıqaýǵa qatysýshylar óz óleńderi men jergilikti aqyn- jazýshylardyń shyǵarmalaryn oryndady. Bir aıǵa jýyq ótkizilgen baıqaýdyń qortyndysy shyǵarylyp, jeńimpaz atanǵan oqýshylar marapattaldy.
Baıqaý boıynsha M.Baıǵut, B.Qonysbek, N.Qadyrbaev, S.Sahabat sóz sóılep, baıqaýdyń erekshelikteri jaıly aıtyp ótti. Baıqaýda aýdan ákimi N.Turashbekov sóz alyp, qordyń atqarǵan jumysyna rızashylyǵyn bildirip, bir top ustazdardy alǵys hatpen marapattady. Sonymen qatar qarymdy jýrnalıster B.Qonysbek pen M.Baıǵutqa aýdannyń 90 jyldyq medalin tabystady. Aýdan týmasy, jazýshy M.Baıǵutqa aýdan basshysy qazaqy dástúrmen shapan jaýyp, at mingizdi.
Jalpy «Marhabat-Mıras qory» jastardy kitap oqýǵa baýlý, daryndy jastardyń shyǵarmashylyǵyna qoldaý kórsetý maqsatynda el súısinetindeı, jurt qyzyǵatyndaı jobalardy qolǵa alyp, júzege asyrýda.
Máselen, qor qurylǵan alǵashqy jyldary álemge tanylǵan greıg qyzǵaldaǵy jaıynda «Shyraılym – Shubaıqyzylym» jobasy jas jazba aqyndardyń baıqaýy, respýblıkalyq jáne halyqaralyq deńgeıde uıymdastyryldy. Baıqaýda jas talapkerlerdiń tusaýy kesilip, qazaq qyzǵaldaǵy, týǵan jer, egemendi el, atameken týraly óreli óleńder men qarasózben órnektelgen tolǵamdar dúnıege keldi.
Sonymen qatar qordyń uıytqy bolýymen «Taýpisteli taǵylymy», «Marhabat oqýlary», «Tutqabaı tolǵanystary» jobalary aıasynda baıqaýlar, forýmdar, kezdesýler ótkizilip, ádebıetimizdiń damýyna ózindik úles qosty.
Dalanews.kz
