Bishkekte Túrki memleketteri uiymyna qatysýshy elderdiń ekonomika jáne saýda ministrleriniń 13-shi kezdesýi ótti, dep habarlaidy Dalanews.kz.
Oǵan Qazaqstan Premer-ministriniń orynbasary – ulttyq ekonomika ministri Nurlan Baibazarov, sondai-aq Ázerbaijan, Túrkiia, Qyrǵyzstan, Ózbekstan jáne Majarstannan kelgen delegatsiialar qatysty.
Kezdesýdiń basty taqyryby TMU-ǵa múshe memleketterdiń ekonomikalyq damýy men yntymaqtastyǵyn odan ár nyǵaitý máseleleri boldy.
Vitse-premer Qazaqstan túrki integratsiiasynyń damýyna erekshe mán beretinin jáne baýyrlas memleketterdiń bastamalary men syndarly usynystaryn árqashan quptaitynyn atap ótti.
"TMU aiasynda qurylǵan Túrki investitsiialyq qory ekonomikalyq jáne investitsiialyq yntymaqtastyqty keńeitýge, birlesken investitsiialyq jobalardy iske asyrýǵa, elderimizdiń qarqyndy ósýi men órkendeýi úshin kapitaldardy, tehnologiialar men talanttardy tartýǵa degen ortaq umtylysty aiǵaqtaidy", — dedi Nurlan Baibazarov.
TMU elderiniń barlyq ministrleri Qazaqstannyń TMU Jasyl qarjy jónindegi keńesin, sondai-aq TMU-ǵa múshe memleketterdiń Ortalyq (ulttyq) bankter keńesin qurý týraly bastamalaryn qoldady.
TMU ekonomika jáne saýda ministrleriniń kelesi kezdesýi Túrkistanda ótedi. Onda Qazaqstannyń barlyq TMU elderi qoldaǵan taǵy bir bastamasy "TURAN" arnaiy ekonomikalyq aimaǵyn ashý josparlanyp otyr.
Esterińizge sala ketsek, Túrkitildes memleketterdiń yntymaqtastyq keńesi 2009 jylǵy 3 qazanda quryldy. 2021 jyly Keńes Túrki memleketteriniń uiymy bolyp qaita quryldy. 2024 jyldyń 8 aiynyń qorytyndysy boiynsha Qazaqstan men TMU elderi arasyndaǵy ózara saýda kórsetkishi 7,2 mlrd dollardy qurady. 2024 jyly TMU-nyń aiasynda Túrki investitsiialyq qory iaǵni, túrki álemi elderi ekonomikalyq integratsiiasynyń alǵashqy birlesken qarjy institýty quryldy. Túrki integratsiiasy tranzittik-kólik máselelerinen bastap, ekonomika, ekologiia, ǵylym, bilim, óner, týrizm, sport pen gýmanitarlyq salaǵa deiingi yntymaqtastyqtyń keń aýqymyn qamtidy.
Qazirgi ýaqytta uiymǵa bes múshe jáne eki baqylaýshy memleket kirgen. Oǵan múshe memleketter: Ázerbaijan, Qazaqstan, Qyrǵyzstan, Túrkiia, Ózbekstan. Baqylaýshy memleketter: Majarstan, Túrikmenstan.
