Elbasy N.Á.Nazarbaevtyń «Bolashaqqa baǵdar: rýhanı jańǵyrý» maqalasy aıasynda Shymkent qalasynan bastaý alǵan Halyqaralyq túrki álemi  forýmy aıasynda Túrkistan qalasynda birqatar is-sharalar ótti.

Q.A.Iasaýı kesenesine zıarat etken forýmǵa qatysýshylar  «Áziret-Sultan» memlekettik tarıhı-mádenı qoryq-mýzeıiniń qundy jádigerlerimen tanysty.

Túrkıa, Úndistan, Ózbekstan, Bolgarıa, Iran, Qazaqstan, Reseıdiń Tyva, Daǵystan aımaqtarynan jıyrmadan astam ádebıetshileri men aqyn-jazýshylarynan turatyn zıaly qaýym ókilderi Túrkistan oblysynyń ákimi Túımebaev Janseıit Qanseıitulynyń qabyldaýynda bolyp jańa oblys ortalyǵynyń  mádenı-rýhanı damý baǵytymen tanysty. Delegattar qatarynda Túrkıa Respýblıkasy

Ardahan qalasynyń meri Ýǵýr Dede,  Túrkıa Respýblıkasy Atatúrik zertteý ortalyǵynyń basshysy Nıhat  Búıikbash, tarıhshy Alı Ak,

Úndistandaǵy Djammý ýnıversıtetiniń strategıalyq jáne aımaqtyq zertteýler departamentiniń dı⁠rektory Mohammad Monır Alam, Iran Islam Respýblıkasy

Peıam-ı Nýr memlekettik ýnıversıtetiniń oqytýshysy Masoýmeh Daeı, Reseı Federasıasy «Ajı-Kala tarıhı-mádenı ortalyǵy» aımaqtyq qoǵamdyq uıymynyń ókili Elvıra Adjıbaeva, Daǵystan Respýblıkasynyń aqyny Salımet Maılybaeva, Shymkent qalalyq «Qalamgerler» birlestiginiń tóraǵasy, jazýshy Mombek Ábdiákimuly bar.

Shara aıasynda Q.A.Iasaýı atyndaǵy Halyqaralyq qazaq-túrik ýnıversıtetiniń aqparattyq resýrstyq ortalyǵynda Túrkistan qalasynyń jastarymen kezdesý  uıymdastyryldy.

 

Túrkistan oblysy ákiminiń baspasóz qyzmeti