ەلباسى ن.ءا.نازاربايەۆتىڭ «بولاشاققا باعدار: رۋحاني جاڭعىرۋ» ماقالاسى اياسىندا شىمكەنت قالاسىنان باستاۋ العان حالىقارالىق تۇركى الەمى  فورۋمى اياسىندا تۇركىستان قالاسىندا ءبىرقاتار ءىس-شارالار ءوتتى.

ق.ا.ياساۋي كەسەنەسىنە زيارات ەتكەن فورۋمعا قاتىسۋشىلار  «ازىرەت-سۇلتان» مەملەكەتتىك تاريحي-مادەني قورىق-مۋزەيىنىڭ قۇندى جادىگەرلەرىمەن تانىستى.

تۇركيا، ءۇندىستان، وزبەكستان، بولگاريا، يران، قازاقستان، رەسەيدىڭ تىۆا، داعىستان ايماقتارىنان جيىرمادان استام ادەبيەتشىلەرى مەن اقىن-جازۋشىلارىنان تۇراتىن زيالى قاۋىم وكىلدەرى تۇركىستان وبلىسىنىڭ اكىمى تۇيمەبايەۆ جانسەيىت قانسەيىت ۇلىنىڭ قابىلداۋىندا بولىپ جاڭا وبلىس ورتالىعىنىڭ  مادەني-رۋحاني دامۋ باعىتىمەن تانىستى. دەلەگاتتار قاتارىندا تۇركيا رەسپۋبليكاسى

ارداحان قالاسىنىڭ مەرى ۋعۋر دەدە،  تۇركيا رەسپۋبليكاسى اتاتۇرىك زەرتتەۋ ورتالىعىنىڭ باسشىسى نيحات  بۇيىكباش، تاريحشى الي اك،

ءۇندىستانداعى دجاممۋ ۋنيۆەرسيتەتىنىڭ ستراتەگيالىق جانە ايماقتىق زەرتتەۋلەر دەپارتامەنتىنىڭ دي⁠رەكتورى موحامماد مونير الام، يران يسلام رەسپۋبليكاسى

پەيام-ي نۋر مەملەكەتتىك ۋنيۆەرسيتەتىنىڭ وقىتۋشىسى ماسوۋمەh داەي، رەسەي فەدەراسياسى «اجي-كالا تاريحي-مادەني ورتالىعى» ايماقتىق قوعامدىق ۇيىمىنىڭ وكىلى ەلۆيرا ادجيبايەۆا، داعىستان رەسپۋبليكاسىنىڭ اقىنى ساليمەت مايلىبايەۆا، شىمكەنت قالالىق «قالامگەرلەر» بىرلەستىگىنىڭ ءتوراعاسى، جازۋشى مومبەك ابدىاكىم ۇلى بار.

شارا اياسىندا ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ اقپاراتتىق رەسۋرستىق ورتالىعىندا تۇركىستان قالاسىنىڭ جاستارىمەن كەزدەسۋ  ۇيىمداستىرىلدى.

 

تۇركىستان وبلىسى اكىمىنىڭ باسپا ءسوز قىزمەتى