Túristan oblysynyń salyqshylary elektrondy qyzmetti damytýǵa kúsh salýda
Ásirese, «Salyq tóleýshi kabineti» veb-qosymshasy qoldanýǵa qyzmet alýshy – salyq tóleýshige óte yńǵaily, óitkeni bet esepterin kórý, salystyrý aktisin alý, bet esep kóshirmesin alý, salyq eseptiligi nysanyn daiyndaý jáne tapsyrý, salyq rejimin tańdaý jáne qoldaný úshin habarlama berý taǵy sol siiaqty kóptegen Memlekettik kirister organdary kórsetetin qyzmetterdi alý úshin kez-kelgen jerde tek internet jelisine qoljetimdilik bolsa jetkilikti.
Túrkistan oblysynda aǵymdaǵy jyldyń 11 aiynda memlekettik qyzmetterdi kórsetý barysynda merzimi buzylýy nemese kórsetilgen qyzmetke qyzmet alýshylardan eshqandai shaǵym bolǵan joq. Alaida kóptegen jyldar tájiribesi kórsetkendei, ótinishterdiń negizgi bóligi elektrondy túrde bolǵandyqtan, qabyldanǵan qujattardy aqparattyq júielerde óńdeý jyldamdyqtaryn arttyratyn joǵarǵy tehnologiialardy qyzmet kórsetýde qoldaný nemese ortalyq serverdiń qýattylyǵyn arttyrý oń nátije berip, qyzmet merzimderiniń buzylýyna jol bermei, sáikesinshe qyzmet alýshylar tarapynan shaǵymdardy boldyrmaidy.
Jalpy búgingi tańda Memlekettik kirister organdary men salyq tóleýshilerdiń qarym-qatynasynyń basym bóligi elektrondy túrde júzege asyrylyp, tikelei kezdesý qajettiligin boldyrmaý nemese salyq tóleýshi men atalǵan organ qyzmetkerimen kezdesýin barynsha azaitý – sybailas jemqorlyqtyń aldyn alýǵa baǵyttalǵan oń qadamdardyń biri.
