اسىرەسە، «سالىق تولەۋشى كابينەتى» ۆەب-قوسىمشاسى قولدانۋعا قىزمەت الۋشى – سالىق تولەۋشىگە وتە ىڭعايلى، ويتكەنى بەت ەسەپتەرىن كورۋ، سالىستىرۋ اكتىسىن الۋ، بەت ەسەپ كوشىرمەسىن الۋ، سالىق ەسەپتىلىگى نىسانىن دايىنداۋ جانە تاپسىرۋ، سالىق رەجيمىن تاڭداۋ جانە قولدانۋ ءۇشىن حابارلاما بەرۋ تاعى سول سياقتى كوپتەگەن مەملەكەتتىك كىرىستەر ورگاندارى كورسەتەتىن قىزمەتتەردى الۋ ءۇشىن كەز-كەلگەن جەردە تەك ينتەرنەت جەلىسىنە قولجەتىمدىلىك بولسا جەتكىلىكتى.
تۇركىستان وبلىسىندا اعىمداعى جىلدىڭ 11 ايىندا مەملەكەتتىك قىزمەتتەردى كورسەتۋ بارىسىندا مەرزىمى بۇزىلۋى نەمەسە كورسەتىلگەن قىزمەتكە قىزمەت الۋشىلاردان ەشقانداي شاعىم بولعان جوق. الايدا كوپتەگەن جىلدار تاجىريبەسى كورسەتكەندەي، وتىنىشتەردىڭ نەگىزگى بولىگى ەلەكتروندى تۇردە بولعاندىقتان، قابىلدانعان قۇجاتتاردى اقپاراتتىق جۇيەلەردە وڭدەۋ جىلدامدىقتارىن ارتتىراتىن جوعارعى تەحنولوگيالاردى قىزمەت كورسەتۋدە قولدانۋ نەمەسە ورتالىق سەرۆەردىڭ قۋاتتىلىعىن ارتتىرۋ وڭ ناتيجە بەرىپ، قىزمەت مەرزىمدەرىنىڭ بۇزىلۋىنا جول بەرمەي، سايكەسىنشە قىزمەت الۋشىلار تاراپىنان شاعىمداردى بولدىرمايدى.
جالپى بۇگىنگى تاڭدا مەملەكەتتىك كىرىستەر ورگاندارى مەن سالىق تولەۋشىلەردىڭ قارىم-قاتىناسىنىڭ باسىم بولىگى ەلەكتروندى تۇردە جۇزەگە اسىرىلىپ، تىكەلەي كەزدەسۋ قاجەتتىلىگىن بولدىرماۋ نەمەسە سالىق تولەۋشى مەن اتالعان ورگان قىزمەتكەرىمەن كەزدەسۋىن بارىنشا ازايتۋ – سىبايلاس جەمقورلىقتىڭ الدىن الۋعا باعىتتالعان وڭ قادامداردىڭ ءبىرى.
