Telegram-arnalardyń birinde Qańtarda Samat Ábishtiń buiryǵyn oryndadym degen polkovnik Rýslan Ysqaqovtyń hatyna jaýap paida boldy, - dep habarlaidy Dalanews.kz.
Munda Rýslan Ysqaqov hatty ózinen jaýapkershilikti alyp tastaý úshin jazǵany aitylady.
"Ysqaqov ózin jaqsy jaǵynan kórsetý úshin keibir derekter týraly aýyz ashpai, keibirin ádeii burmalap otyr. Mysaly, onyń Memleket basshysynyń aldaǵy narazylyq aktsiialary týraly eskertýleri týraly taratqan aqparaty shyndyqqa sáikes kelmeidi. Qańtar oqiǵasy bastalǵan tusta sodyrlardyń strategiialyq arsenalǵa kedergisiz qol jetkizýin qamtamasyz etý úshin Almatydaǵy Ishki ister departamentiniń ǵimaraty tolyǵymen qaraýsyz qaldy. Ysqaqov bul týraly aitpaidy", - delingen jazbada.
Rýslan Ysqaqov "Dikii Armandy" tártipti qadaǵalap júrgen adam siiaqty kórsetken kórinedi.
"Ol qolastyndaǵy adamdy ("Dikii Armandy") qylmys álemine qatysy bar dep emes, áleýmettik nysandardy qorǵap júrgen óziniń "dosy" sekildi atap ótedi. Ony dáleldeitin aiǵaq ta bar: olar áskeriler men politsiia jaralanǵan sodyrlardy jáne olardyń denesin alyp ketýine jol bermegen, ol úshin olar aýrýhanalardy qorshap alǵan. Hatta "Qazaqstan" qonaqúiinde adamdardy kepilge alyp, azaptaý úshin qurylǵan shtab týraly da aitylmaǵan. Odan bólek, "Dikii Arman" ustalǵan kezde odan qarýlar tárkilengen. Kúni keshe Dikii Armannyń qolastyndaǵy adamdar ustaldy.
Samat Ábish týraly aitqany da erekshe kózge tústi. Búginde Nazarbaevtyń nemere inisine qatysty qylmystyq is qozǵaldy jáne Ysqaqov rasynda onyń buiryǵyn oryndaǵan. Ol uiymdasqan qylmystyq top músheleriniń áreketin uiymdastyryp, olarǵa buiryq bergen. Ol video arqyly dáleldengen".
Sonymen qatar, arnadaǵy jazbada burynǵy ishki ister ministri Erlan Turǵymbaevqa qatysty málimet berilgen.
"Taǵy bir mańyzdy fakt: Turǵymbaev "Dikii Armannyń" Qańtarda Qazaqstanǵa emin-erkin kirýine járdemdesken jáne Memleket basshysyna sol tustaǵy ahýal týraly teris aqparat bergen. Nege ekeni, Ysqaqov Almatyda qarý-jaraq arsenaly saqtalǵan jáne tártipsizdikke qarsy shtab bolǵan IID ǵimaraty basyp alynǵany týraly sóz qozǵamaidy. Ysqaqov bul týraly aitpaýdy jón kóredi. Biraq Taimerdenov áýejaidy basyp alýǵa qatysqan keibir adamdardy bosatyp jibergenin basyp aitady.
Áýejaidy basyp alýǵa qatysty da bólek toqtalýǵa bolady. Ysqaqov áýejai basyp alynǵannan keiin kelgen jumbaq bort týraly, ol bort artynsha Bishkekke bos bolyp ushyp ketkeni týraly aitpaidy. Sonymen qatar, ol bort Almatyǵa 10 ret ushyp kelgenin, artynan múlde kórinbegeni týraly aitpaǵan. Shekara UQK baqylaýynda ekenin eskersek, Qazaqstanǵa Qańtar oqiǵasyn baqylaýǵa alǵan radikaldar ushyp kelýi de ǵajap emes".
Materialdyń reseilik "Novaia gazeta" basylymynda jaryq kórýi de beker emes bolýy múmkin.
"Bul materialdyń artynda Máskeýden bir adam turýy múmkin. Biraq bul basylym nesimen yńǵaily? Sebebi olar kontekstti túsinbeidi, onyń jýrnalisteri Qańtar oqiǵasy týraly eshteńe bilmeidi jáne árbir jeke ustanymǵa qatysty syni turǵyda suraqtar qoia almaidy", - delingen jazbada.
Aita keteiik, keshe Qańtar oqiǵasynan keiin jappai tártipsizdikterdi uiymdastyrdy dep aiyptalǵan polkovnik Rýslan Ysqaqov "Novaia Gazetaǵa" shyn máninde ne bolǵanyn aitqany belgili bolǵan edi. Ol "Dikii Arman" shyn máninde Samat Ábishtiń buiryǵyn oryndaǵanyna senimdi.
Rýslan Ysqaqov hatta Samat Ábishtiń qandai buiryǵyn oryndaǵanyn ashyq aityp bergen bolatyn.
