«Turan» ekonomikalyq aimaǵyda innovatsiialyq infraqurylym qurylýda
Túrkistan óńirinde innovatsiialyq zamanaýi jańa zaýyttar men kásiporyndar salý jumystaryna basymdyq berilgen. Osy baǵytta júieli jumys júrip jatyr, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Bul rette investorlar men kásipkerlerge arnaiy infraqurylymmen qamtylǵan aimaqtar qajet. Sondyqtan Túrkistan qalasy mańynda «Turan» arnaiy ekonomikalyq aimaǵy qurylyp, injenerlik infraqurylymmen qamtý maqsatynda qurylys jumystary qarqyndy júrgizilip jatyr. Túrkistan oblysynyń ákimi Darhan Satybaldy atalǵan aimaqqa baryp, jai-kúiimen tanysty.
– «Turan» arnaiy ekonomikalyq aimaǵyna úlken úmit artylyp otyr. Sondyqtan infraqurylymmen qamtý jumystary sapaly atqarylýy tiis. Osy aimaqta sý qoryn molaitýdy qolǵa alyńyzdar. Kógaldandyrý da nazardan tys qalmaýy tiis. Atalǵan aimaqta ornalasatyn jobalardy qazirden iriktep, investorlarmen, kásipkerlermen tiisti jumys júrgizińizder, – degen Darhan Satybaldy jaýaptylarǵa tapsyrmalar berdi.
«Turan» arnaiy ekonomikalyq aimaǵynda búgingi tańda órt sóndirý deposy, gaz júieleri, internet jelisiniń jumystary 100%-ǵa aiaqtalǵan. Joldyń 1,4 shaqyrymyna asfalt jabyndysy tóselgen. Joldy tolyq 2024 jyldyń qazan aiynda paidalanýǵa berý josparlanǵan. Temirjol qurylys jumystary 40%-ǵa oryndalyp, temirjoldyń 2,1 shaqyrymyna relster ornatyldy.
Sonymen qatar sý jáne káriz jelileriniń qurylys jumystary 70%-ǵa oryndalyp, sý qubyrynyń 8,5 shaqyrymy tartyldy. Káriz júiesiniń 3 shaqyrymyna qubyr júrgizildi. Atalǵan nysandarydyń qurylys jumystary jyl sońyna deiin tolyq aiaqtalyp, paidalanýǵa beriledi dep josparlanýda.
Elektrmen jabdyqtaý jumystaryn aiaqtaý 2025 jylǵa josparlanǵan. Atqarylyp jatqan jumystardyń barysy oblys ákimi men Oblystyq qurylys basqarmasy mamandarynyń turaqty qadaǵalaýynda.
«Turan» arnaiy ekonomikalyq aimaǵyndaǵy injenerlik infraqurylymdardyń qurylys jumystary aiaqtalǵan soń, munda 50-ge jýyq kásiporyn ornalasyp, jumysyn bastaidy. Nátijesinde, 1000-ǵa jýyq jańa jumys orny ashylady dep kútilip otyr.
