«Turan» ەكونوميكالىق ايماعىدا يننوۆاسيالىق ينفراقۇرىلىم قۇرىلۋدا
تۇركىستان وڭىرىندە يننوۆاسيالىق زاماناۋي جاڭا زاۋىتتار مەن كاسىپورىندار سالۋ جۇمىستارىنا باسىمدىق بەرىلگەن. وسى باعىتتا جۇيەلى جۇمىس ءجۇرىپ جاتىر، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
بۇل رەتتە ينۆەستورلار مەن كاسىپكەرلەرگە ارنايى ينفراقۇرىلىممەن قامتىلعان ايماقتار قاجەت. سوندىقتان تۇركىستان قالاسى ماڭىندا «Turan» ارنايى ەكونوميكالىق ايماعى قۇرىلىپ، ينجەنەرلىك ينفراقۇرىلىممەن قامتۋ ماقساتىندا قۇرىلىس جۇمىستارى قارقىندى جۇرگىزىلىپ جاتىر. تۇركىستان وبلىسىنىڭ اكىمى دارحان ساتىبالدى اتالعان ايماققا بارىپ، جاي-كۇيىمەن تانىستى.
– «Turan» ارنايى ەكونوميكالىق ايماعىنا ۇلكەن ءۇمىت ارتىلىپ وتىر. سوندىقتان ينفراقۇرىلىممەن قامتۋ جۇمىستارى ساپالى اتقارىلۋى ءتيىس. وسى ايماقتا سۋ قورىن مولايتۋدى قولعا الىڭىزدار. كوگالداندىرۋ دا نازاردان تىس قالماۋى ءتيىس. اتالعان ايماقتا ورنالاساتىن جوبالاردى قازىردەن ىرىكتەپ، ينۆەستورلارمەن، كاسىپكەرلەرمەن ءتيىستى جۇمىس جۇرگىزىڭىزدەر، – دەگەن دارحان ساتىبالدى جاۋاپتىلارعا تاپسىرمالار بەردى.
«Turan» ارنايى ەكونوميكالىق ايماعىندا بۇگىنگى تاڭدا ءورت ءسوندىرۋ دەپوسى، گاز جۇيەلەرى، ينتەرنەت جەلىسىنىڭ جۇمىستارى 100%-عا اياقتالعان. جولدىڭ 1،4 شاقىرىمىنا اسفالت جابىندىسى توسەلگەن. جولدى تولىق 2024 جىلدىڭ قازان ايىندا پايدالانۋعا بەرۋ جوسپارلانعان. تەمىرجول قۇرىلىس جۇمىستارى 40%-عا ورىندالىپ، تەمىرجولدىڭ 2،1 شاقىرىمىنا رەلستەر ورناتىلدى.
سونىمەن قاتار سۋ جانە كارىز جەلىلەرىنىڭ قۇرىلىس جۇمىستارى 70%-عا ورىندالىپ، سۋ قۇبىرىنىڭ 8،5 شاقىرىمى تارتىلدى. كارىز جۇيەسىنىڭ 3 شاقىرىمىنا قۇبىر جۇرگىزىلدى. اتالعان نىساندارىدىڭ قۇرىلىس جۇمىستارى جىل سوڭىنا دەيىن تولىق اياقتالىپ، پايدالانۋعا بەرىلەدى دەپ جوسپارلانۋدا.
ەلەكترمەن جابدىقتاۋ جۇمىستارىن اياقتاۋ 2025 جىلعا جوسپارلانعان. اتقارىلىپ جاتقان جۇمىستاردىڭ بارىسى وبلىس اكىمى مەن وبلىستىق قۇرىلىس باسقارماسى ماماندارىنىڭ تۇراقتى قاداعالاۋىندا.
«Turan» ارنايى ەكونوميكالىق ايماعىنداعى ينجەنەرلىك ينفراقۇرىلىمداردىڭ قۇرىلىس جۇمىستارى اياقتالعان سوڭ، مۇندا 50-گە جۋىق كاسىپورىن ورنالاسىپ، جۇمىسىن باستايدى. ناتيجەسىندە، 1000-عا جۋىق جاڭا جۇمىس ورنى اشىلادى دەپ كۇتىلىپ وتىر.
