Mańǵystaý oblysy, Túpqaraǵan aýdanyna qarasty Atash eldi mekeninde bıyl «Balyqshylar» demalys orny boı kóterip, balyshylarǵa arnalyp eskertkish ornatylady, – dep habarlaıdy Dalanews.kz Túpqaraǵan aýdanynyń ákimi Aıbek Qosýaqovtyń málimdemesine silteme jasap.  

– Bul bizdiń ótken tarıhymyzǵa eleýli eńbegi sińgen ardagerlerge degen qurmettiń belgisi. Óskeleń urpaqtyń jadynda ótken tarıhymyz jańǵyryp turýy úshin atalǵan demalys orny men eńseli eskertkishtiń alar orny erekshe bolmaq, – deıdi aýdan ákimi Aıbek Qosýaqov.

«Balyqshylar» demalys ornynda kireberis arka, sporttyq shynyǵý alańy, balalar alańy, avtoturaq pen shatyrly oryndyqtar jáne eńseli «Balyqshylar» eskertkishi ornatylady.

Eskertkish avtory B.Salaev. Músinniń bıiktigi – 3,60 metr bolsa, tuǵyr bıiktigi 2,20 metrdi quraıdy. Demalys orny bıyl paıdalanýǵa beriledi.