Aýdanda beıbitshilik pen kelisimdi qoldaý maqsatynda «Nur Otan» partıasy mádenı jáne rýhanı qundylyqtardy saqtaý jáne kóbeıtýdi kózdeıdi. Bul rette aýdan boıynsha birqatar jumystar atqarylmaq. Sonyń eń aýqymdylaryna toqtalsaq.
Aldaǵy ýaqytta Aqshuqyr aýylynyń mádenıet úıin jóndeý jumysy qolǵa alynyp, Saıyn Shapaǵatov aýyldyq okrýginen mádenıet úıi jáne kitaphana salynady. Al Baýtın aýylynda 2025 jylǵa qaraı mádenıet úıi boı kóterip, Fort-SHevchenkodaǵy shirkeý qaıta qalypqa keltiriledi.
«Nur Otan» partıasy sonymen qatar aýdandy ómir súrýge jaıly ári qaýipsiz etý maqsatynda qoǵamdyq orta men kóshelerdegi qylmystardyń aldyn alý, jol qaýipsizdigimen qamtamasyz etýdi mindet etip qoıdy.
Eń aldymen jaryqtandyrý máselesi. Kósheler neǵurlym qarańǵy bolsa, qylmys bolý qaýpi joǵary. Jaryq joq jerde oryn alǵan qylmysty anyqtaý da qıyn.
Osy sebepti 2022 jyly 1700 jaryq dıodty shamdar men baǵandar ornatylady. Polısıa bólimshesi avtólikpen qamtylyp, quqyq qorǵaý salasynyń qyzmetkerleri búgingi zamanǵy quraldarmen jaraqtanady. Onyń ishinde beınetirkegish, júkteý termınaly, ERAP planshetteri. 25 beınebaqylaý ornatylyp, 2024 jyly Aqshuqyr aýylynan Tirek pýnkti ashylady.
Túpqaraǵan aýdany mádenı ári rýhanı damyp, qaýipsiz bolýymen qatar jastar úshin qolaıly aýdan bolýyna da asa mán berilýde. «Nur Otan» partıasy men «Jas Otan» jastar qanaty jastarǵa jan-jaqty qoldaý kórsetýdi kúsheıteýdi kózdep otyr.
2025 jylǵa qaraı partıanyń mindeti memlekettik organdarmen birlesip jastardyń jumyspen qamtylýyn, olardyń shyǵarmashylyq jáne iskerlik turǵydan ózin-ózi iske asyrýyn qamtamasyz etedi.
Jastar – bizdiń bolashaǵymyz. Aýdandaǵy jastardyń jalpy sany 8 089, bul aýdan turǵyndarynyń jalpy sanynyń 24,8% quraıdy. Osy oraıda 5 jylda aýdannyń 150 jasy jumyspen qamtylady. «Jasyl el» eńbek otrádtaryn uıymdastyrý jolymen jazǵy kezeńge jylda 100 jas jumysqa ornalasady. Jastardyń sportpen aınalysýyna asa mán beriledi.
Kásipkerlikke baýlyp, oqytyp, qaıtarymsyz granttar berý de josparda bar. Nátıjesinde jastar óz kásibin bastap, jańa jumys oryndaryn qurýǵa atsalysady.
Partıanyń joǵaryda keltirgen múddeli jumystary úgit-nasıhat sharasy barysynda aýdan turǵyndaryna tanystyryldy. QR Parlamenti Májilisi depýtatyna úmitker Edil Jańbyrshın «Taýshyq aýyl sharýashylyǵy» JSHS ujymymen kezdesse, al senimdi ókilderi Taýshyq aýylynda «Esikten esikke» aksıasy aıasynda úgit-nasıhat jumysyn júrgizdi.
Aýdandaǵy nasıhat jumystaryna aýdandyq máslıhat depýtatyna úmitkerler de belsendi atsalysty. Kandıdat B.Djýldıbaeva senimdi ókili A.Janaıysovamen birge turǵyndar kóp shoǵyrlanatyn saýda ortalyǵynda bolyp, «Nur Otan» partıasynyń «Ózgerister joly: Ár azamatqa laıyqty ómir» atty saılaýaldy baǵdarlamasyn tanystyrdy. Olar kásipkerler men tutynýshylardy 10 qańtar kúni ótetin saılaýǵa belsendi qatysýǵa shaqyrdy.
Kelesi kandıdat G.Shamqulova men D.Meńdihanovtyń senimdi ókili S.Boljabaev Fort-SHevchenko qalasynda ornalasqan «Qazaqstan Halyq Banki» AQ jergilikti fılıalyna baryp, qyzmetkerlerge saılaýaldy baǵdarlamany túsindirdi. Bank qyzmetkerlerimen suraq-jaýap almasyp, partıany qoldaýǵa shaqyrdy.
(Materıal aqysy «Nur Otan» partıasynyń Mańǵystaý oblysy Túpqaraǵan aýdanynyń Saılaý qorynyń qarajaty esebinen tólendi)
