اۋداندا بەيبىتشىلىك پەن كەلىسىمدى قولداۋ ماقساتىندا «Nur Otan» پارتياسى مادەني جانە رۋحاني قۇندىلىقتاردى ساقتاۋ جانە كوبەيتۋدى كوزدەيدى. بۇل رەتتە اۋدان بويىنشا ءبىرقاتار جۇمىستار اتقارىلماق. سونىڭ ەڭ اۋقىمدىلارىنا توقتالساق.
الداعى ۋاقىتتا اقشۇقىر اۋىلىنىڭ مادەنيەت ءۇيىن جوندەۋ جۇمىسى قولعا الىنىپ، سايىن شاپاعاتوۆ اۋىلدىق وكرۋگىنەن مادەنيەت ءۇيى جانە كىتاپحانا سالىنادى. ال باۋتين اۋىلىندا 2025 جىلعا قاراي مادەنيەت ءۇيى بوي كوتەرىپ، فورت-شيەۆچەنكوداعى شىركەۋ قايتا قالىپقا كەلتىرىلەدى.
«Nur Otan» پارتياسى سونىمەن قاتار اۋداندى ءومىر سۇرۋگە جايلى ءارى ءقاۋىپسىز ەتۋ ماقساتىندا قوعامدىق ورتا مەن كوشەلەردەگى قىلمىستاردىڭ الدىن الۋ، جول قاۋىپسىزدىگىمەن قامتاماسىز ەتۋدى مىندەت ەتىپ قويدى.
ەڭ الدىمەن جارىقتاندىرۋ ماسەلەسى. كوشەلەر نەعۇرلىم قاراڭعى بولسا، قىلمىس بولۋ ءقاۋپى جوعارى. جارىق جوق جەردە ورىن العان قىلمىستى انىقتاۋ دا قيىن.
وسى سەبەپتى 2022 جىلى 1700 جارىق ديودتى شامدار مەن باعاندار ورناتىلادى. پوليسيا بولىمشەسى اۆتولىكپەن قامتىلىپ، قۇقىق قورعاۋ سالاسىنىڭ قىزمەتكەرلەرى بۇگىنگى زامانعى قۇرالدارمەن جاراقتانادى. ونىڭ ىشىندە بەينەتىركەگىش، جۇكتەۋ تەرمينالى، ەراپ پلانشەتتەرى. 25 بەينەباقىلاۋ ورناتىلىپ، 2024 جىلى اقشۇقىر اۋىلىنان تىرەك پۋنكتى اشىلادى.
ءتۇپقاراعان اۋدانى مادەني ءارى رۋحاني دامىپ، ءقاۋىپسىز بولۋىمەن قاتار جاستار ءۇشىن قولايلى اۋدان بولۋىنا دا اسا ءمان بەرىلۋدە. «Nur Otan» پارتياسى مەن «Jas Otan» جاستار قاناتى جاستارعا جان-جاقتى قولداۋ كورسەتۋدى كۇشەيتەۋدى كوزدەپ وتىر.
2025 جىلعا قاراي پارتيانىڭ مىندەتى مەملەكەتتىك ورگاندارمەن بىرلەسىپ جاستاردىڭ جۇمىسپەن قامتىلۋىن، ولاردىڭ شىعارماشىلىق جانە ىسكەرلىك تۇرعىدان ءوزىن-وزى ىسكە اسىرۋىن قامتاماسىز ەتەدى.
جاستار – ءبىزدىڭ بولاشاعىمىز. اۋدانداعى جاستاردىڭ جالپى سانى 8 089، بۇل اۋدان تۇرعىندارىنىڭ جالپى سانىنىڭ 24،8% قۇرايدى. وسى ورايدا 5 جىلدا اۋداننىڭ 150 جاسى جۇمىسپەن قامتىلادى. «جاسىل ەل» ەڭبەك وتريادتارىن ۇيىمداستىرۋ جولىمەن جازعى كەزەڭگە جىلدا 100 جاس جۇمىسقا ورنالاسادى. جاستاردىڭ سپورتپەن اينالىسۋىنا اسا ءمان بەرىلەدى.
كاسىپكەرلىككە باۋلىپ، وقىتىپ، قايتارىمسىز گرانتتار بەرۋ دە جوسپاردا بار. ناتيجەسىندە جاستار ءوز كاسىبىن باستاپ، جاڭا جۇمىس ورىندارىن قۇرۋعا اتسالىسادى.
پارتيانىڭ جوعارىدا كەلتىرگەن مۇددەلى جۇمىستارى ۇگىت-ناسيحات شاراسى بارىسىندا اۋدان تۇرعىندارىنا تانىستىرىلدى. ق ر پارلامەنتى ءماجىلىسى دەپۋتاتىنا ۇمىتكەر ەدىل جاڭبىرشين «تاۋشىق اۋىل شارۋاشىلىعى» ج ش س ۇجىمىمەن كەزدەسسە، ال سەنىمدى وكىلدەرى تاۋشىق اۋىلىندا «ەسىكتەن ەسىككە» اكسياسى اياسىندا ۇگىت-ناسيحات جۇمىسىن جۇرگىزدى.
اۋدانداعى ناسيحات جۇمىستارىنا اۋداندىق ءماسليحات دەپۋتاتىنا ۇمىتكەرلەر دە بەلسەندى اتسالىستى. كانديدات ب.دجۋلديبايەۆا سەنىمدى وكىلى ا.جانايىسوۆامەن بىرگە تۇرعىندار كوپ شوعىرلاناتىن ساۋدا ورتالىعىندا بولىپ، «Nur Otan» پارتياسىنىڭ «وزگەرىستەر جولى: ءار ازاماتقا لايىقتى ءومىر» اتتى سايلاۋالدى باعدارلاماسىن تانىستىردى. ولار كاسىپكەرلەر مەن تۇتىنۋشىلاردى 10 قاڭتار كۇنى وتەتىن سايلاۋعا بەلسەندى قاتىسۋعا شاقىردى.
كەلەسى كانديدات گ.شامقۇلوۆا مەن د.مەڭدىحانوۆتىڭ سەنىمدى وكىلى س.بولجابايەۆ فورت-شيەۆچەنكو قالاسىندا ورنالاسقان «قازاقستان حالىق بانكى» اق جەرگىلىكتى فيليالىنا بارىپ، قىزمەتكەرلەرگە سايلاۋالدى باعدارلامانى ءتۇسىندىردى. بانك قىزمەتكەرلەرىمەن سۇراق-جاۋاپ الماسىپ، پارتيانى قولداۋعا شاقىردى.
(ماتەريال اقىسى «Nur Otan» پارتياسىنىڭ ماڭعىستاۋ وبلىسى ءتۇپقاراعان اۋدانىنىڭ سايلاۋ قورىنىڭ قاراجاتى ەسەبىنەن تولەندى)
