Tuńǵysh Prezidenti kúni – halyqtyń qadirli merekesine ainaldy
Qazaqstan Respýblikasynyń Tuńǵysh Prezidenti Nursultan Ábishuly Nazarbaev: «Ósip órkendegen jáne qýatty Qazaqstan – Biz bastaǵan jańǵyrýlardyń maqsaty men mazmuny. Órkeniet kóshine erkin qosylǵan ult retinde bilimdilik te, biliktilik te, bilektilik te, júrektilik te kórsetti. Elim úshin, halqym úshin, Qazaqstanym úshin tarihtyń qai synaǵyna da táýekel dep bas tigýge daiynmyn» dedi.
Biz Qazaqstannyń Táýelsizdik jyldaryndaǵy damýy men órkendeýi kezeńin qalai alyp qarasaqta, tarihtyń osy bir aitýly kezeńiniń paraqtaryn Qazaqstan Respýblikasy Tuńǵysh Prezidenti – Ult kóshbasshysy Nursultan Ábishuly Nazarbaevsyz elestete almaimyz. Qazaqstan jáne Elbasy egiz uǵym desek te bolady. Sebebi, Tuńǵysh Prezidenttiń elimizdiń órkendeýi jolyndaǵy eńbegi ushan-teńiz. Ol eshkimge daý týdyrmas tarihi shyndyq.
Táýelsiz memleket – Qazaqstan Respýblikasynyń– damýy, barlyq atribýttary – ulttyq qaýipsizdik, memlekettik basqarý jáne biliktiń búkil tarmaqtarynyń ózara áreket etý júiesi – barlyq ulttyq memlekettiliktiń qalyptasýy Elbasymyzdyń esimimen tyǵyz bailanysty.
Qarqyndy júrgizilgen jumystar nátijesinde ekonomikamyz turaqtalyp, halyqtyń ál-aýqaty jaqsardy.
Ónerkásip jandanyp, qarjy-biýdjet, salyq júiesi qurylyp, ulttyq valiýtamyz – teńge ainalymǵa engizildi.
Zeinetaqy jinaqtaý júiesi dúniege keldi. Turǵyn úi-kommýnaldyq sharýashylyǵyn reformalaý júzege asty.
Elbasymyz N.Á.Nazarbaevtyń «Qazaqstan-2030» strategiiasynyń negizgi mindetterin mezgilinen buryn oryndap, álemniń damyǵan 50 memlekettiń qataryna qosyldyq. Endigi jerde «Qazaqstan-2050» strategiiasynda kórsetilgendei álemniń eń damyǵan 30 eliniń qatarynda bolýǵa tiispiz.
Elbasynyń ekonomist jáne saiasatker retindegi jeke bedeli elde qolaily investitsiialyq ahýaldyń qalyptasýyna igi yqpal etti. Kóptegen memleketter men halyqaralyq qarjy institýttary qarqyndy ekonomikalyq yntymaqtastyqqa keldi.
Dúniejúzilik sarapshylar arasynda «Qazaqstandyq úlgi» termini paida boldy. Qysqa merzim ishinde halyqaralyq yntymaqtastyq tujyrymdamasyn qalyptastyrdy. Onyń kóptegen bastamalary keń halyqaralyq mazmunǵa ie.
Qazaqstan kóp ultty, tolerantty memleket retinde ultaralyq kelisim men yntymaqtastyqty árdaiym tý etip joǵary ustap keledi. Halyqtar dostastyǵy nyǵaidy. Qazaqstan Halyqtarynyń Assambleiasy ómirge keldi. Ol ultaralyq kelisimdi kúsheitti.
Biylǵy jyly 20-jyl tolyp, búkil álem tamsanyp otyrǵan sulý da ásem qalamyz – Astananyń irgetasyn qalaýshy, ári Bas sáýletshisi Tuńǵysh Prezidentimiz ekendigin maqtanyshpen aita alamyz.
Qazaqstan Respýblikasynyń ulttyq valiýtasy Teńgemizge 25 jyl tolyp, óziniń ómirsheńdigin dáleldedi.
Memleketimizdi nyǵaityp, elimizdiń kúsh-qýatyn arttyrýda, Táýelsizdigimizdi baiandy etýde Ult Kóshbasshysynyń eńbegi asa zor.
Prezidentimizdiń kúshi – «Bolashaqqa baǵdar: rýhani jańǵyrý» atty baǵdarlamalyq maqalasy arqyly jańǵyryp kele jatqan qabyrǵaly qalyń eli. Demek, kúshti tulǵa – kúshti memleket.
Tuńǵysh Prezidentimizdiń resmi merekesi qutty bolsyn!
Memleket basshysy Ult kóshbasshysy Nursultan Ábishuly Nazarbaevtyń «Nurly jolymen» bolashaǵymyzdy baǵdarlap, rýhani jańǵyryp, Máńgilik Eldiń tórine qarai erkin adymdap, tabystan tabysqa, jeńisten jeńiske jete bereiik.
M.QADYRBEK, Arys qalasynyń ákimi.
