قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان ءابىش ۇلى نازاربايەۆ: «ءوسىپ وركەندەگەن جانە قۋاتتى قازاقستان – ءبىز باستاعان جاڭعىرۋلاردىڭ ماقساتى مەن مازمۇنى. وركەنيەت كوشىنە ەركىن قوسىلعان ۇلت رەتىندە بىلىمدىلىك تە، بىلىكتىلىك تە، بىلەكتىلىك تە، جۇرەكتىلىك تە كورسەتتى. ەلىم ءۇشىن، حالقىم ءۇشىن، قازاقستانىم ءۇشىن تاريحتىڭ قاي سىناعىنا دا تاۋەكەل دەپ باس تىگۋگە دايىنمىن» دەدى.
ءبىز قازاقستاننىڭ تاۋەلسىزدىك جىلدارىنداعى دامۋى مەن وركەندەۋى كەزەڭىن قالاي الىپ قاراساقتا، تاريحتىڭ وسى ءبىر ايتۋلى كەزەڭىنىڭ پاراقتارىن قازاقستان رەسپۋبليكاسى تۇڭعىش پرەزيدەنتى – ۇلت كوشباسشىسى نۇرسۇلتان ءابىش ۇلى نازاربايەۆسىز ەلەستەتە المايمىز. قازاقستان جانە ەلباسى ەگىز ۇعىم دەسەك تە بولادى. سەبەبى، تۇڭعىش پرەزيدەنتتىڭ ەلىمىزدىڭ وركەندەۋى جولىنداعى ەڭبەگى ۇشان-تەڭىز. ول ەشكىمگە داۋ تۋدىرماس تاريحي شىندىق.
تاۋەلسىز مەملەكەت – قازاقستان رەسپۋبليكاسىنىڭ– دامۋى، بارلىق اتريبۋتتارى – ۇلتتىق قاۋىپسىزدىك، مەملەكەتتىك باسقارۋ جانە بيلىكتىڭ بۇكىل تارماقتارىنىڭ ءوزارا ارەكەت ەتۋ جۇيەسى – بارلىق ۇلتتىق مەملەكەتتىلىكتىڭ قالىپتاسۋى ەلباسىمىزدىڭ ەسىمىمەن تىعىز بايلانىستى.
قارقىندى جۇرگىزىلگەن جۇمىستار ناتيجەسىندە ەكونوميكامىز تۇراقتالىپ، حالىقتىڭ ءال-اۋقاتى جاقساردى.
ونەركاسىپ جاندانىپ، قارجى-بيۋدجەت، سالىق جۇيەسى قۇرىلىپ، ۇلتتىق ۆاليۋتامىز – تەڭگە اينالىمعا ەنگىزىلدى.
زەينەتاقى جيناقتاۋ جۇيەسى دۇنيەگە كەلدى. تۇرعىن ۇي-كوممۋنالدىق شارۋاشىلىعىن رەفورمالاۋ جۇزەگە استى.
ەلباسىمىز ن.ءا.نازاربايەۆتىڭ «قازاقستان-2030» ستراتەگياسىنىڭ نەگىزگى مىندەتتەرىن مەزگىلىنەن بۇرىن ورىنداپ، الەمنىڭ دامىعان 50 مەملەكەتتىڭ قاتارىنا قوسىلدىق. ەندىگى جەردە «قازاقستان-2050» ستراتەگياسىندا كورسەتىلگەندەي الەمنىڭ ەڭ دامىعان 30 ەلىنىڭ قاتارىندا بولۋعا ءتيىسپىز.
ەلباسىنىڭ ەكونوميست جانە ساياساتكەر رەتىندەگى جەكە بەدەلى ەلدە قولايلى ينۆەستيسيالىق احۋالدىڭ قالىپتاسۋىنا يگى ىقپال ەتتى. كوپتەگەن مەملەكەتتەر مەن حالىقارالىق قارجى ينستيتۋتتارى قارقىندى ەكونوميكالىق ىنتىماقتاستىققا كەلدى.
دۇنيەجۇزىلىك ساراپشىلار اراسىندا «قازاقستاندىق ۇلگى» تەرمينى پايدا بولدى. قىسقا مەرزىم ىشىندە حالىقارالىق ىنتىماقتاستىق تۇجىرىمداماسىن قالىپتاستىردى. ونىڭ كوپتەگەن باستامالارى كەڭ حالىقارالىق مازمۇنعا يە.
قازاقستان كوپ ۇلتتى، تولەرانتتى مەملەكەت رەتىندە ۇلتارالىق كەلىسىم مەن ىنتىماقتاستىقتى ءاردايىم تۋ ەتىپ جوعارى ۇستاپ كەلەدى. حالىقتار دوستاستىعى نىعايدى. قازاقستان حالىقتارىنىڭ اسسامبلەياسى ومىرگە كەلدى. ول ۇلتارالىق كەلىسىمدى كۇشەيتتى.
بيىلعى جىلى 20-جىل تولىپ، بۇكىل الەم تامسانىپ وتىرعان سۇلۋ دا اسەم قالامىز – استانانىڭ ىرگەتاسىن قالاۋشى، ءارى باس ساۋلەتشىسى تۇڭعىش پرەزيدەنتىمىز ەكەندىگىن ماقتانىشپەن ايتا الامىز.
قازاقستان رەسپۋبليكاسىنىڭ ۇلتتىق ۆاليۋتاسى تەڭگەمىزگە 25 جىل تولىپ، ءوزىنىڭ ومىرشەڭدىگىن دالەلدەدى.
مەملەكەتىمىزدى نىعايتىپ، ەلىمىزدىڭ كۇش-قۋاتىن ارتتىرۋدا، تاۋەلسىزدىگىمىزدى باياندى ەتۋدە ۇلت كوشباسشىسىنىڭ ەڭبەگى اسا زور.
پرەزيدەنتىمىزدىڭ كۇشى – «بولاشاققا باعدار: رۋحاني جاڭعىرۋ» اتتى باعدارلامالىق ماقالاسى ارقىلى جاڭعىرىپ كەلە جاتقان قابىرعالى قالىڭ ەلى. دەمەك، كۇشتى تۇلعا – كۇشتى مەملەكەت.
تۇڭعىش پرەزيدەنتىمىزدىڭ رەسمي مەرەكەسى قۇتتى بولسىن!
مەملەكەت باسشىسى ۇلت كوشباسشىسى نۇرسۇلتان ءابىش ۇلى نازاربايەۆتىڭ «نۇرلى جولىمەن» بولاشاعىمىزدى باعدارلاپ، رۋحاني جاڭعىرىپ، ماڭگىلىك ەلدىڭ تورىنە قاراي ەركىن ادىمداپ، تابىستان تابىسقا، جەڭىستەن جەڭىسكە جەتە بەرەيىك.
م.قادىربەك، ارىس قالاسىنىڭ اكىمى.
