Osydan on jyl buryn, 2011 jylǵy 1 jeltoqsanda Tuńǵysh prezident – Elbasy Nursultan Ábishuly Nazarbaev Qazaqstandaǵy alǵashqy jáne jalǵyz metropolitendi ashyp, alǵashqy jolaýshy boldy. Sodan beri metro jumysy bir minýtqa da toqtaǵan joq.
Quramnyń uzyndyǵy – 77,8 m, eń úlken tehnikalyq jyldamdyǵy - 90km/saǵ. Temperatýra rejimi: Tselsii boiynsha -35, +40 gradýs.
Vagondar sonymen qatar ishki jáne syrtqy beinebaqylaý júiesimen jabdyqtalǵan. Mashinistiń kabinadan vagondardyń ishindegi jáne syrtyndaǵy jaǵdaidy beinebaqylaý júiesi monitorynyń kómegimen baqylaý múmkindigi bar.
Barlyq vagondar jolaýshylarǵa bir vagonnan ekinshisine qaýipsiz jáne yńǵaily ótýdi qamtamasyz etetin ashyq tiptegi (aralyq esiktersiz) keń vagonaralyq ótý joldary arqyly biriktirilgen.
Elektr poiyzdary jolaýshylar úshin de, qyzmet kórsetýshi personal úshin de joǵary qaýipsizdik pen jaily jaǵdaidy, sondai-aq energiia tutynýdyń tómendetilgen deńgeiin qamtamasyz etedi.
Ońtústik koreialyq Hyundai Rotem kompaniiasy shyǵarǵan vagondar Almaty metropoliteni úshin arnaiy ázirlengen. Búgingi tańda metropolitende 15 poiyz jumys isteidi.
10 jyl boiy Metropoliten turaqty jumys isteidi, ózine júktelgen mindetterdi oryndaidy.
