Túlkibastyq túlekter aýylǵa stela ornatty
Kezinde aýyldaǵy mektepti bitirgen túlekter qazir ár salada eńbek etip júr. Týǵan aýyldaryn, bilim alǵan mektepterin umytpai, qoldaý kórsetýde. Olar týyp-ósken aýyldaryna biiktigi 6 metr, eni 7 metr aýyl ataýy jazylǵan stela tartý etti. «Batys Eýropa – Batys Qytai» avtodáliziniń boiynda, eldi meken kire-berisinde ornalasqan jańa nysannyń jalpy aýmaǵy 84 sharshy metrdi quraidy. Tolyǵymen qorshalyp, abattandyrylǵan.
Qurylys jumystaryna 3,5 mln teńgege jýyq qarjy jumsalǵan. Nysannyń saltanatty ashylýyna qatysqan jergilikti bilik ókilderi men aýyl aqsaqaldary jáne ziialy qaýym ókilderi keiingi urpaqqa úlgi bolarlyqtai igi iske muryndyq bolǵan túlekterge alǵys bildirdi. Bereke men birligi jarasyp, tatýlyq pen jomarttyq kórsetken mektep túlekterine aýyldastary dán riza. Aldaǵy ýaqytta túlekter ózderi ornatqan stela mańyndaǵy 1 gektar jerge saiabaq salyp berýdi josparlaýda.
