اۋىلعا تارتۋ. تۇركىستان وڭىرىندەگى تۇلەكتەر ەرەكشە ءۇردىستى داستۇرگە اينالدىردى. مەكتەپتى ءار جىلدارى بىتىرگەن ازاماتتار تۋعان اۋىلىن كوركەيتۋگە ايرىقشا كوڭىل بولۋدە. تۇركىستان وبلىسى تۇلكىباس اۋدانى، جاسكەشۋ اۋىلدىق وكرۋگىنە قاراستى س.سەيفۋلين مەكتەبىنىڭ 20 جىل بۇرىن بىتىرگەن تۇلەكتەرى «Jaskeşu auyly» دەپ جازىلعان ستەلانىڭ ورناتۋىنا مۇرىندىق بولدى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

كەزىندە اۋىلداعى مەكتەپتى بىتىرگەن تۇلەكتەر ءقازىر ءار سالادا ەڭبەك ەتىپ ءجۇر. تۋعان اۋىلدارىن، ءبىلىم العان مەكتەپتەرىن ۇمىتپاي، قولداۋ كورسەتۋدە. ولار تۋىپ-وسكەن اۋىلدارىنا بيىكتىگى 6 مەتر، ەنى 7 مەتر اۋىل اتاۋى جازىلعان ستەلا تارتۋ ەتتى. «باتىس ەۋروپا – باتىس جۇڭگو» ءاۆتودالىزىنىڭ بويىندا، ەلدى مەكەن كىرە-بەرىسىندە ورنالاسقان جاڭا نىساننىڭ جالپى اۋماعى 84 شارشى مەتردى قۇرايدى. تولىعىمەن قورشالىپ، اباتتاندىرىلعان.

قۇرىلىس جۇمىستارىنا 3،5 ملن تەڭگەگە جۋىق قارجى جۇمسالعان. نىساننىڭ سالتاناتتى اشىلۋىنا قاتىسقان جەرگىلىكتى بيلىك وكىلدەرى مەن اۋىل اقساقالدارى جانە زيالى قاۋىم وكىلدەرى كەيىنگى ۇرپاققا ۇلگى بولارلىقتاي يگى ىسكە مۇرىندىق بولعان تۇلەكتەرگە العىس ءبىلدىردى. بەرەكە مەن بىرلىگى جاراسىپ، تاتۋلىق پەن جومارتتىق كورسەتكەن مەكتەپ تۇلەكتەرىنە اۋىلداستارى ءدان ريزا. الداعى ۋاقىتتا تۇلەكتەر وزدەرى ورناتقان ستەلا ماڭىنداعى 1 گەكتار جەرگە ساياباق سالىپ بەرۋدى جوسپارلاۋدا.