Túlkibasta Tynyshbaev pen Rysqulovtyń eskertkishi ashyldy
Keiin T.Rysqulov aýyldyq okrýgindegi Túlkibas temir jol stantsiiasyndaǵy qazaq halqynyń bir týar azamattary M.Tynyshbaev pen T.Rysqulovtyń jańa eskertkishiniń ashylý rásimimen jalǵasty. Eskertkishtiń ashylýynda aýdan ákimi N.Turashbekov, ǵalym D.Qamzabekuly, derbes zeinetker Ó.Qalyqulov sóz sóilep, qos tulǵanyń atqarǵan eńbekteri jaily aityp ótti.
Aitýly shara aiasynda aýdan ortalyǵy T. Rysqulov aýylynda jańa kópir paidalanýǵa berildi. Aýdannyń mereitoiynda ashylǵan jańa nysan óńir turǵyndary qýanyshty jańalyq boldy.
Sondai-aq, mereitoiǵa qatysýshylar Túrkistan oblysynyń kieli jerler geografiialyq kartasyna engen «Túrkibasy áýliesi» kesenesimen tanysty. Keseneniń ashylýyna aýdan ákimi N.Turashbekov sóz sóilep, rýhani jańǵyrý aiasynda aýdanda atqarylyp jatqan jumystarǵa toqtaldy.
Aýdannyń mereitoiy aiasynda jańa saiabaqtyń ashylý rásimi boldy. Ortalyq saiabaqtyń jalpy jer kólemi 2,2 gektar. Saiabaq tolyǵymen qorshalyp, abattandyrý jumystary júrgizilgen. Sonymen qatar, balalarǵa arnalǵan oiyn alańshalarymen jabdyqtalǵan.
Túrkistan oblysy ákiminiń baspasóz qyzmeti
