كەيىن ت.رىسقۇلوۆ اۋىلدىق وكرۋگىندەگى تۇلكىباس تەمىر جول ستانسياسىنداعى قازاق حالقىنىڭ ءبىر تۋار ازاماتتارى م.تىنىشبايەۆ پەن ت.رىسقۇلوۆتىڭ جاڭا ەسكەرتكىشىنىڭ اشىلۋ راسىمىمەن جالعاستى. ەسكەرتكىشتىڭ اشىلۋىندا اۋدان اكىمى ن.تۇراشبەكوۆ، عالىم د.قامزابەك ۇلى، دەربەس زەينەتكەر ءو.قالىقۇلوۆ ءسوز سويلەپ، قوس تۇلعانىڭ اتقارعان ەڭبەكتەرى جايلى ايتىپ ءوتتى.
ايتۋلى شارا اياسىندا اۋدان ورتالىعى ت. رىسقۇلوۆ اۋىلىندا جاڭا كوپىر پايدالانۋعا بەرىلدى. اۋداننىڭ مەرەيتويىندا اشىلعان جاڭا نىسان ءوڭىر تۇرعىندارى قۋانىشتى جاڭالىق بولدى.
سونداي-اق، مەرەيتويعا قاتىسۋشىلار تۇركىستان وبلىسىنىڭ كيەلى جەرلەر گەوگرافيالىق كارتاسىنا ەنگەن «تۇركىباسى اۋليەسى» كەسەنەسىمەن تانىستى. كەسەنەنىڭ اشىلۋىنا اۋدان اكىمى ن.تۇراشبەكوۆ ءسوز سويلەپ، رۋحاني جاڭعىرۋ اياسىندا اۋداندا اتقارىلىپ جاتقان جۇمىستارعا توقتالدى.
اۋداننىڭ مەرەيتويى اياسىندا جاڭا ساياباقتىڭ اشىلۋ ءراسىمى بولدى. ورتالىق ساياباقتىڭ جالپى جەر كولەمى 2،2 گەكتار. ساياباق تولىعىمەن قورشالىپ، اباتتاندىرۋ جۇمىستارى جۇرگىزىلگەن. سونىمەن قاتار، بالالارعا ارنالعان ويىن الاڭشالارىمەن جابدىقتالعان.
تۇركىستان وبلىسى اكىمىنىڭ باسپا ءسوز قىزمەتى
