– Saiatshylyq, ańshylyq – bul qazaqtyń qanǵa bitken tól óneri. Munda erdiń – jigittigi, batyldyǵy, eptiligi synǵa túsedi. Búgingi zamanda biz osyndai umyt bola bastaǵan, óskeleń urpaqqa úiretýge tiis qundylyqtarymyzdy jańǵyrtyp, kórsetip otyrýymyz kerek. Bul – árqaisymyzdyń paryzymyz, – dedi Marhabat Baiǵut.
Shara aiasynda búrkit baptaý men qumai tazylardy ańshylyqqa baýlý, ańǵa salý jaiynda oi-pikirler aitylyp, is júzinde el aldynda kórsetildi. Ońtústik óńirine belgili qusbegi Jomart Keýenov pen saiatshy Muhtar Atahan óz kásipteriniń qyr-syry týraly maǵlumattar berip, saiatshylyq dástúrimiz týraly tolǵandyrǵan suraqtarǵa jaýap berdi.
Sondai-aq, saiatshylyq pen ańshylyq jaily qysqa metrajdy beinefilm túsirildi. Tanymdyq shara sońynda Ádet-ǵuryp jáne salt-dástúr ortalyǵynyń direktory Jánibek Taǵaev atsalysqan azamattarǵa alǵys bildirip, sharada erekshe kózge túsken saiatshylardy marapattady.
OQO ákiminiń baspasóz qyzmeti
https://dalanews.kz/31832
