ەتنو-تانىمدىق شارانىڭ اشىلۋ سالتاناتى قاتىسقان بەلگىلى جازۋشى مارحابات بايعۇت، مادەنيەت سالاسىنىڭ ۇزدىگى جانىبەك ابدانبەك ۇلى، بەلگىلى ساياتشى مۇحتار اتاحان ۇلتتىق ءسالت-داستۇرىمىز بەن ادەت-عۇرپىمىزدىڭ ۇرپاق تاربيەسى مەن قوعامداعى ءمانى جايىن ءسوز ەتتى.
– ساياتشىلىق، اڭشىلىق – بۇل قازاقتىڭ قانعا بىتكەن ءتول ونەرى. مۇندا ەردىڭ – جىگىتتىگى، باتىلدىعى، ەپتىلىگى سىنعا تۇسەدى. بۇگىنگى زاماندا ءبىز وسىنداي ۇمىت بولا باستاعان، وسكەلەڭ ۇرپاققا ۇيرەتۋگە ءتيىس قۇندىلىقتارىمىزدى جاڭعىرتىپ، كورسەتىپ وتىرۋىمىز كەرەك. بۇل – ءارقايسىمىزدىڭ پارىزىمىز، – دەدى مارحابات بايعۇت.
شارا اياسىندا بۇركىت باپتاۋ مەن قۇماي تازىلاردى اڭشىلىققا باۋلۋ، اڭعا سالۋ جايىندا وي-پىكىرلەر ايتىلىپ، ءىس جۇزىندە ەل الدىندا كورسەتىلدى. وڭتۇستىك وڭىرىنە بەلگىلى قۇسبەگى جومارت كەۋەنوۆ پەن ساياتشى مۇحتار اتاحان ءوز كاسىپتەرىنىڭ قىر-سىرى تۋرالى ماعلۇماتتار بەرىپ، ساياتشىلىق ءداستۇرىمىز تۋرالى تولعاندىرعان سۇراقتارعا جاۋاپ بەردى.
سونداي-اق، ساياتشىلىق پەن اڭشىلىق جايلى قىسقا مەتراجدى بەينەفيلم ءتۇسىرىلدى. تانىمدىق شارا سوڭىندا ادەت-عۇرىپ جانە ءسالت-داستۇر ورتالىعىنىڭ ديرەكتورى جانىبەك تاعايەۆ اتسالىسقان ازاماتتارعا العىس ءبىلدىرىپ، شارادا ەرەكشە كوزگە تۇسكەن ساياتشىلاردى ماراپاتتادى.
وقو اكىمىنىڭ باسپا ءسوز قىزمەتى
https://dalanews.kz/31832
