Túlkibasta Respýblika kúnine orai 300 túp shyrsha otyrǵyzyldy
Keiingi jastarǵa úlgi bolarlyqtai iske uiytqy bolǵan jandarǵa aýdan aqsaqaldary rizashylyqtaryn bildirip, batalaryn berdi.
Aita keteiik, búgingi tańda «Batys Eýropa – Batys Qytai» avtodáliziniń boiynan aýdan ortalyǵyna kirer tusynda aýdan ákimdiginiń qoldaýymen aýdan turǵyndarynyń demeýshiligimen «Uly dala qyrandary» alleiasy soǵylýda. Jalpy 2 gektar aýmaqty alatyn demalys ornyna jolaýshylardyń demalyp, sergip alýy úshin barlyq jaǵdailar jasalatyn bolady.
Sonymen qatar aldaǵy ýaqytta Qazaq eliniń birtýar azamattary Baýyrjan Momyshuly, Sherhan Murtaza jáne Balýan Sholaqtyń eskertkishteri boi kótermek. Ainalasy tolyq abattandyrylyp, kógaldandyrylady.
Búgingi tańda Túlkibas aýdanynyń týmalary aýyl kórkin ajarlandyra túsetin nysandy kóterýge ózara 150 mln. teńge qarjy jinap, qurylys jumystaryn iske asyrýda. Nysan biyl qarasha aiynda paidalanýǵa beriledi dep kútilýde.
