Respýblıka kúni qarsańynda Túlkibas aýdanynyń ákimi Nurlan Baıǵut bastaǵan aýdan turǵyndary men zıalylary jáne erikti jastary «Batys Eýropa – Batys Qytaı» avtodáliziniń boıyndaǵy jańadan boı kóterip jatqan «Uly dala qyrandary» aleıasynda bas qosyp, 300 dana qylqan japyraqty aǵashtardyń kóshetterin otyrǵyzdy, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Keıingi jastarǵa úlgi bolarlyqtaı iske uıytqy bolǵan jandarǵa aýdan aqsaqaldary rızashylyqtaryn bildirip, batalaryn berdi.

Aıta keteıik, búgingi tańda «Batys Eýropa – Batys Qytaı» avtodáliziniń boıynan aýdan ortalyǵyna kirer tusynda aýdan ákimdiginiń qoldaýymen aýdan turǵyndarynyń demeýshiligimen «Uly dala qyrandary» aleıasy soǵylýda. Jalpy 2 gektar aýmaqty alatyn demalys ornyna jolaýshylardyń demalyp, sergip alýy úshin barlyq jaǵdaılar jasalatyn bolady.

Sonymen qatar aldaǵy ýaqytta Qazaq eliniń birtýar azamattary Baýyrjan Momyshuly, Sherhan Murtaza jáne Balýan Sholaqtyń eskertkishteri boı kótermek. Aınalasy tolyq abattandyrylyp, kógaldandyrylady.

Búgingi tańda Túlkibas aýdanynyń týmalary aýyl kórkin ajarlandyra túsetin nysandy kóterýge ózara 150 mln. teńge qarjy jınap, qurylys jumystaryn iske asyrýda. Nysan bıyl qarasha aıynda paıdalanýǵa beriledi dep kútilýde.