Túlkibasta 3000 bas iri qara maldy bordaqylaityn alań qurylady
Osy maqsatta Túrkistan oblysynyń Túlkibas aýdanyna qarasty Shuqyrbulaq eldi mekeninde «Adal» sharýa qojalyǵy 3000 bas iri qara maldy bordaqylaýǵa arnalǵan birneshe alańdy ashýdy josparlap otyr.
Jalpy mal jailaryn soǵý eki kezeńde iske aspaq. Atap aitsanda, 1500 basqa arnalǵan alańdar biyl iske qosylsa, 2019 jyly qosymsha 1500 basqa arnalǵan alańdardyń qurylysyn júrgizý mejelengen.
Nátijesinde sharýa qojalyq jylyna shamamen 1200 tonna iri qara mal eti óńdirilmek. Jobanyń jalpy quny 900 mln. teńgeni quraidy. Atalǵan joba tolyǵymen iske qosylǵan jaǵdaida 30 adamǵa jumys orny ashylatyn bolady.
Budan ózge, aýdandaǵy mal sharýashylyǵyna qajetti egin túrlerin egetin diqandardyń ónimderine suranys arta túspek.
Qazirgi tańda aýdan aýmaǵynda 268 mal bordaqylaý alańshalarynda 2200-den astam jylqy men 2 myńdai iri qara mal bordaqylanýda.
Túrkistan oblysy ákiminiń baspasóz qyzmeti
