مەملەكەت باسشىسى كەزەكتى جولداۋىندا ەل ەكونوميكاسىنىڭ ءوسۋىنىڭ درايۆەرى اۋىل شارۋاشىلىعى ەكەندىگىن ايتىپ، ونىڭ ىشىندە ەتتى مال شارۋاشىلىعىنىڭ رولىنە ەرەكشە توقتالعان بولاتىن.

وسى ماقساتتا تۇركىستان وبلىسىنىڭ تۇلكىباس اۋدانىنا قاراستى شۇقىربۇلاق ەلدى مەكەنىندە «ادال» شارۋا قوجالىعى 3000 باس ءىرى قارا مالدى بورداقىلاۋعا ارنالعان بىرنەشە الاڭدى اشۋدى جوسپارلاپ وتىر.

جالپى مال جايلارىن سوعۋ ەكى كەزەڭدە ىسكە اسپاق. اتاپ ايتساندا، 1500 باسقا ارنالعان الاڭدار بيىل ىسكە قوسىلسا، 2019 جىلى قوسىمشا 1500 باسقا ارنالعان الاڭداردىڭ قۇرىلىسىن جۇرگىزۋ مەجەلەنگەن.

ناتيجەسىندە شارۋا قوجالىق جىلىنا شامامەن 1200 توننا ءىرى قارا مال ەتى وڭدىرىلمەك. جوبانىڭ جالپى قۇنى 900 ملن. تەڭگەنى قۇرايدى. اتالعان جوبا تولىعىمەن ىسكە قوسىلعان جاعدايدا 30 ادامعا جۇمىس ورنى اشىلاتىن بولادى.

بۇدان وزگە، اۋدانداعى مال شارۋاشىلىعىنا قاجەتتى ەگىن تۇرلەرىن ەگەتىن ديقانداردىڭ ونىمدەرىنە سۇرانىس ارتا تۇسپەك.

قازىرگى تاڭدا اۋدان اۋماعىندا 268 مال بورداقىلاۋ الاڭشالارىندا 2200-دەن استام جىلقى مەن 2 مىڭداي ءىرى قارا مال بورداقىلانۋدا.

 

تۇركىستان وبلىسى اكىمىنىڭ باسپا ءسوز قىزمەتى