Búginde aýdandaǵy alma baýlaryna alma kóshetteri Italiia men Túrkiiadan jáne Polshadan ákelinýde. Qazir gala, golden, piromin jáne kamspor degen jańa sorttar Túlkibas dalasyn túrlendirip tur.
Ótken jyly Túlkibas aýdanynyń baǵbandary 25 myń tonna ónim jinasa, biyl bul kórsetkish 30 myńǵa jetedi dep kútilýde. Jalpy, óndirilgen ónimdi saqtaýda aýdanda 3,5 myń tonnalyq qoima bar. Qyrkúiek aiynyń sońynda 2 myń tonnalyq taǵy bir qoima iske qosylyp, sharýalardyń alma saqtaý múmkindigin keńeitti. Osylaisha biyl Túlkibas aýdany bir jylda 5,5 myń tonna alma saqtaý múmkindigine ie bolyp otyr.
Endigi maqsat – 2020 jylǵa deiin úsh myń gektarǵa jańa baý egip, ónim kólemin 45-50 myń tonnaǵa deiin jetkizý josparlanýda. Aýyl sharýashylyǵy salasynyń damý qarqynyna bailanysty mynadai derek keltirsek. 1991-2017 jyldar aralyǵynda barlyǵy 1619,5 gektar jerge alma baý men júzimdikter egildi, 13,5 gektar jerge jylyjai salynǵan.
2009 jyldan bastap tamshylatyp sýǵarý tehnologiiasy qolǵa alynyp, biyldyń ózinde osy ádis 4474 gektar jerge jańa tehnologiia qoldanylyp keledi. Búginde zamanaýi agrotehnologiialardy qoldaný – básekege qabilettilikti arttyra túsetini anyq. Sondyqtan, sharýalar osy baǵyttaǵy jumysty kúsheitýge basymdyq berip keledi.
Dalanews.kz
