Túlkibas aýdany jumyssyzdyqpen qalai kúresýde
Qazirgi tańda elimizde jumyssyzdyq kólemin tómendetý baǵytynda birqatar áleýmettik baǵdarlamalar qamtylyp, jumys istep jatqany belgili. Osy memlekettik baǵdarlamalardyń paidasyn Túlkibas aýdanynyń turǵyndary da kórip otyr.
Búginde aýdanda tehnikalyq jáne kásiptik bilimi bar kadrlardy daiarlaý kýrstaryna 100 azamatty jáne jumysshy kadrlardy eńbek naryǵynda suranysqa ie kásipter jáne daǵdylar boiynsha qysqa merzimdi kásiptik oqýdy uiymdastyrǵanyn atap ótýge bolady. Jalpy jańa mamandyqtardy meńgerý úshin aýdandyq jumyspen qamtý bólimine turǵyndar tarapynan kelip túsken ótinishter boiynsha 195 adam 10 mamandyq boiynsha biliktiligin shyńdaǵan. Bul maqsatta oblystyq biýdjetten 36,3 mln. teńge bólinip, bes oqý ornymen kelisim-shart túzilip, 195 azamat qysqa merzimdi kásiptik oqý kýrstaryna joldandy. Olardyń 5-i múgedek, 70-i jastardy bolǵanyn aita ketýimiz kerek.
Baǵdarlamanyń ekinshi baǵytynda jappai kásipkerlikti damytý boiynsha 2018 jyly «Bastaý-biznes» jobasy boiynsha 315 azamatty kásipkerlik negizderine oqytý jáne kásipkerlik bastamalardy qoldaý maqsatynda 35 azamatqa shaǵyn nesieler berildi. Qazirgi tańda 166 azamat kásipkerlik negizderine oqýǵa joldanyp, 157 azamat oqýyna aiaqtap sertifikattaryn alyp, 52 azamatqa 207,8 mln. teńge nesie berildi. Sonymen qatar 27 azamatqa basqar qarjy institýttarynyń esebinen nesie berilgen.
Al áleýmettik jumys oryndaryn uiymdastyrý boiynsha 2018 jyly barlyǵy 100 adamdy áleýmettik jumys oryndaryna jiberý josparlanyp, 142 azamat (142%) jiberildi. Bul maqsatqa respýblikalyq biýdjetten 26,4 mln. teńge qarjy bólinip, 21,6 mln. teńgesi igerildi.
Baǵdarlamasy aiasynda qurylatyn «Jastar praktikasyna» 2018 jyly oqý oryndaryn 2016-2018 jyly bitirgen 29 jasqa deiingi barlyǵy 200 jastardy jiberý mejelengen. Bul maqsatta respýblikalyq biýjetten 72,1 mln. teńge qarjy qaralyp, 64,7 mln. teńgesi igerildi. Aýdan kólemindegi 112 mekememen kelisim-shart jasalynyp, 320 jumyssyz jastar praktikasyna joldandy (160 paiyz), onyń ishinde 4 múmkindigi shekteýli jandar.
Dalanews.kz
