قازىرگى تاڭدا ەلىمىزدە جۇمىسسىزدىق كولەمىن تومەندەتۋ باعىتىندا ءبىرقاتار الەۋمەتتىك باعدارلامالار قامتىلىپ، جۇمىس ىستەپ جاتقانى بەلگىلى. وسى مەملەكەتتىك باعدارلامالاردىڭ پايداسىن تۇلكىباس اۋدانىنىڭ تۇرعىندارى دا كورىپ وتىر.
بۇگىندە اۋداندا تەحنيكالىق جانە كاسىپتىك ءبىلىمى بار كادرلاردى دايارلاۋ كۋرستارىنا 100 ازاماتتى جانە جۇمىسشى كادرلاردى ەڭبەك نارىعىندا سۇرانىسقا يە كاسىپتەر جانە داعدىلار بويىنشا قىسقا مەرزىمدى كاسىپتىك وقۋدى ۇيىمداستىرعانىن اتاپ وتۋگە بولادى. جالپى جاڭا ماماندىقتاردى مەڭگەرۋ ءۇشىن اۋداندىق جۇمىسپەن قامتۋ بولىمىنە تۇرعىندار تاراپىنان كەلىپ تۇسكەن وتىنىشتەر بويىنشا 195 ادام 10 ماماندىق بويىنشا بىلىكتىلىگىن شىڭداعان. بۇل ماقساتتا وبلىستىق بيۋدجەتتەن 36،3 ملن. تەڭگە ءبولىنىپ، بەس وقۋ ورنىمەن كەلىسىم-شارت ءتۇزىلىپ، 195 ازامات قىسقا مەرزىمدى كاسىپتىك وقۋ كۋرستارىنا جولداندى. ولاردىڭ 5ء-ى مۇگەدەك، 70ء-ى جاستاردى بولعانىن ايتا كەتۋىمىز كەرەك.
باعدارلامانىڭ ەكىنشى باعىتىندا جاپپاي كاسىپكەرلىكتى دامىتۋ بويىنشا 2018 جىلى «باستاۋ-بيزنەس» جوباسى بويىنشا 315 ازاماتتى كاسىپكەرلىك نەگىزدەرىنە وقىتۋ جانە كاسىپكەرلىك باستامالاردى قولداۋ ماقساتىندا 35 ازاماتقا شاعىن نەسيەلەر بەرىلدى. قازىرگى تاڭدا 166 ازامات كاسىپكەرلىك نەگىزدەرىنە وقۋعا جولدانىپ، 157 ازامات وقۋىنا اياقتاپ سەرتيفيكاتتارىن الىپ، 52 ازاماتقا 207،8 ملن. تەڭگە نەسيە بەرىلدى. سونىمەن قاتار 27 ازاماتقا باسقار قارجى ينستيتۋتتارىنىڭ ەسەبىنەن نەسيە بەرىلگەن.
ال الەۋمەتتىك جۇمىس ورىندارىن ۇيىمداستىرۋ بويىنشا 2018 جىلى بارلىعى 100 ادامدى الەۋمەتتىك جۇمىس ورىندارىنا جىبەرۋ جوسپارلانىپ، 142 ازامات (142%) جىبەرىلدى. بۇل ماقساتقا رەسپۋبليكالىق بيۋدجەتتەن 26،4 ملن. تەڭگە قارجى ءبولىنىپ، 21،6 ملن. تەڭگەسى يگەرىلدى.
باعدارلاماسى اياسىندا قۇرىلاتىن «جاستار پراكتيكاسىنا» 2018 جىلى وقۋ ورىندارىن 2016-2018 جىلى بىتىرگەن 29 جاسقا دەيىنگى بارلىعى 200 جاستاردى جىبەرۋ مەجەلەنگەن. بۇل ماقساتتا رەسپۋبليكالىق بيۋجەتتەن 72،1 ملن. تەڭگە قارجى قارالىپ، 64،7 ملن. تەڭگەسى يگەرىلدى. اۋدان كولەمىندەگى 112 مەكەمەمەن كەلىسىم-شارت جاسالىنىپ، 320 جۇمىسسىز جاستار پراكتيكاسىنا جولداندى (160 پايىز)، ونىڭ ىشىندە 4 مۇمكىندىگى شەكتەۋلى جاندار.
Dalanews.kz
