Túlkibas aýdany atyz-kanaldardy tazalaýǵa erekshe mán berip otyr
Osy oraida Túlkibas aýdany aýyl sharýashylyǵy bóliminiń kommýnaldyq memlekettik menshik ieligindegi 572 shaqyrym 111 sý nysandary oblys ákimi J.Túimebaevtiń 28 tamyz 2017 jylǵy №246 qaýlysyna sáikes «Qazsýshar» Respýblikalyq memlekettik kásiporynnyń Ońtústik Qazaqstan filialynyń kommýnaldyq menshik ieligine qabyldanyp, sý resýrstaryn paidalanýdy retteý jáne qorǵaý jónindegi Aral-Syrdariia basseindik inspektsiiasy Respýblikalyq memlekettik mekemesinen 2018-2023 jyldar aralyǵyna jyldyq (limit) 136,7 mln,m3 aǵyn sý kólemine arnaiy sý paidalanýǵa ruqsat alyndy.
Aǵyn sý kólemin tiimdi paidalaný jáne paidaly áser koeffitsienti joǵarylatý maqsatynda Túlkibas aýdanynda birneshe joba iske asýda.
Birinshi joba boiynsha 13 sý nysandarynyń kúrdeli jóndeý jumystary úshin jobalyq smetalyq qujattary daiyndalyp, memlekettik saraptamaǵa jiberilgen. Bul jobanyń quny 4 mlrd 300 mln teńgeni quraidy. Qarjylandyrý úshin qujattar tapsyrylǵan.
Al ekinshi jobada 84 sý nysandarynyń mehanikalyq tazalaý jumystary atqarýǵa boljamdyq jobalyq smetalyq qujattar daiyndaldy. Munyń quny-1,300 mln teńgeni quraidy. Búginde topografiialyq túsirilim jasalynýda.
Úshinshi joba – Elbasy Nursultan Nazarbaevtyń sýǵarmaly jerlerdiń kólemin 40%-ǵa ulǵaitý baǵdarlamasyn oryndaý maqsatynda «Magistraldy Qulyi jáne Kóktem 5 sý kanalynyń» qurylysy salý kózdelgen. Kanaldardyń uzyndyǵy 15,3 shaqyrym, sýǵarmaly jerlerdiń kólemi 1115 gektardy quraidy. Jobanyń quny 514,0 mln teńge, qarjylandyrýǵa qujattar tolyq kólemde tapsyrylǵan.
