Almaty ákimi Darhan Satybaldy «Almatybasjospar»-da keńes ótkizdi, onda oǵan kásiporynnyń aǵymdaǵy qyzmeti jáne qalanyń turaqty damý strategiiasyn qalyptastyrý jónindegi jumysynyń negizgi baǵyttary usynyldy, – dep habarlaidy Dalanews.kz
Burynnan belgili, Almatynyń damý baǵdarlamasy men qalanyń 2040 jylǵa deiingi Bas jospary damýdyń monoortalyqtyq modelinen poliortalyqtyq modeline kóshýdi kózdeidi.
Qala basshysyna bes negizgi poliortalyqtar — iskerlik belsendilikti qaita bólýge, qalanyń ortalyq aýdandarynda júktemeni azaitýǵa jáne búkil megapolis boiynsha tolyqqandy ósý núktelerin qurýǵa arnalǵan zamanaýi qoǵamdyq-iskerlik klasterlerdi qalyptastyrý jobasy usynyldy.
«Soltústik» poliortalyǵy - «Almaty-1» temirjol stantsiiasyna irgeles aýmaq. Bul poliortalyqta qyzmet kórsetý salasy qarqyndy damityn bolady, salynyp jatqan qurylystarda birinshi qabattar shaǵyn bizneske jalǵa beriledi, skverler, ÚAK, Baým toǵaiy mańaiynda demalys oryndary qarastyrylǵan.
Kelesi aimaq - «Batys» poliortalyǵy, jańa Almaty-3 temirjolvokzaly men Boraldai kentindegi kólik haby aýdanynda ornalasatyn bolady. Munda barlyq qajetti infraqurylym, sonyń ishinde «Saq qorǵandary» etnografiialyq parkiniń ainalasynda júrgiziletin bolady. Alańy 90 ga jelilik rekreatsiialyq saiabaq, jańa kópsalaly aýrýhana kesheni jáne t.b. salý josparlanýda.
«Ońtústik-batys» poliortalyǵy – Raiymbek dańǵyly men Alataý kóshesin uzartý aýmaǵynda. Munda shaǵyn ónerkásiptik parkter, saýda jáne logistika nysandary, ákimshilik-iskerlik ortalyqtar ornalasady.
«Tarihi ortalyq» - Medeý aýdanynyń bóligi, Baitursynov kóshesi – Abai – Zenkov – Jibek Joly dańǵyldarynyń shekarasyndaǵy «altyn aimaq». Munda ónerkásip oryndary bolmaidy, tarihi-mádeni mańyzy bar ǵimarattar qalpyna keltiriledi.
Besinshi aimaq - «Shyǵys qaqpasy» poliortalyǵy. Bul Talǵar jáne Qulja trakttarynyń aýdany. Munda Almatynyń logistikalyq haby ornalasady.
Óz kezeginde qala ákimi árbir poliortalyq áleýmettik infraqurylymdy, demalys aimaqtaryn jáne adamdar men biznesti tartatyn zákirlik jobalardy eskere otyryp, keshendi túrde damýy tiis ekenin atap ótti.
«Turǵyn úi salýǵa basymdyq berilmeitindei jáne 5 jyldan keiin bul aýdandar tynysh aýdandarǵa ainalmaityndai etip jobalardy pysyqtaý qajet. Saiabaqtar, saýda ortalyqtary, keńseler josparlaý kezeńinde qarastyrylýy tiis. Adamdar ómir súrip qana qoimai, jumys isteitin, demalatyn, bos ýaqytyn ótkizetin teńestirilgen ortany qurý mańyzdy — aýdandar shynaiy jaily jáne tynys-tirshilikke toly bolǵany jón», - dep atap ótti Darhan Satybaldy.
