Atyraý qalasynyń turǵyny Nurgúl Zihanova Beibit Qorǵannan uly bar ekenin aityp,dabyl qaqqan edi. Sodan soń ánshi DNQ tapsyrýǵa májbúr boldy, dep habarlaidy Dalanews.kz.
«Astarly aqiqat» baǵdarlamasynyń burynǵy júrgizýshisi Dina Tólepbergenniń jazýynsha, bul taqyryp óziniń turaqty baqylaýynda kórinedi. Olar DNQ alý úshin aqyry Beibit Qorǵandy sotqa súiregen.
"Onyń qan tapsyrýǵa qalai kelgenin kórseńiz, shoshisyz. Quddy bir otadan shyqqan Maikl Djeksondai, «Maska» shoýy mańyrap qalady. Aýyr diagnozdaǵy bala jaily birdeńe aitar ma dep edik, lám-mimsiz uzatylyp jatqandai artyna qaiyrylmai ketti", – deidi Dina Tólepbergen.
Al ánshiniń ónerdegi áriptesteri atyraýlyq áieldiń áreketi durys emes dep sanaidy. Qazaqstannyń eńbek sińirgen qairatkeri Jeńis Ysqaqovanyń paiymynsha, bul iske áieldiń ózi kináli.
«Onyń oǵan úilenbeitinin bile tura, qoinyna kirdiń be, basyńmen istediń be, moinyńmen kóter. Al jaqsy bir talantty jigitten týǵan ekensiń, onda shyda. Onyń týmaýyna da bolar edi», – deidi Jeńis Ysqaqova.
