Ishki ister ministriniń orynbasary Sanjar Ádilov Táýelsizdik kúni kóligine Tý ilgen júrgizýshilerge aiyppul salyndy degen aqparatqa qatysty jaýap berdi, dep habarlaidy Dalanews.kz.
Sanjar Ádilovtiń sózinshe, kólikke Týdy ilip júrý - zańbuzýshylyq bolyp sanalmaidy.
"Tý úshin eshqandai jaýapkershilik kózdelmegen. Ondai faktiler tirkelgen joq. Iá, áleýmettik jelide aqparat shyqqan, ony kórdim. Qazirgi tańda tolyq tekseris júrgizemiz. Búgin ákimshilik politsiia komitetinde tapsyrma berdik", - deidi Ádilov.
Eske salaiyq, buǵan deiin Táýelsizdik kúni kóligine Týdy ilgen júrgizýshilerge aiyppul salynǵany habarlanǵan edi.
Bul týraly áleýmettik jelide videolar tarady.
Erqanat Táýkebaev esimdi facebook qoldanýshysynyń sózinshe, 47 avtobýsqa ilingen qazaqtyń týyn Almaty politsiiasy alyp tastaǵan.
