ىشكى ىستەر ءمينيسترىنىڭ ورىنباسارى سانجار ءادىلوۆ تاۋەلسىزدىك كۇنى كولىگىنە تۋ ىلگەن جۇرگىزۋشىلەرگە ايىپپۇل سالىندى دەگەن اقپاراتقا قاتىستى جاۋاپ بەردى، دەپ حابارلايدى Dalanews.kz.
سانجار ءادىلوۆتىڭ سوزىنشە، كولىككە تۋدى ءىلىپ ءجۇرۋ - زاڭبۇزۋشىلىق بولىپ سانالمايدى.
"تۋ ءۇشىن ەشقانداي جاۋاپكەرشىلىك كوزدەلمەگەن. ونداي فاكتىلەر تىركەلگەن جوق. ءيا، الەۋمەتتىك جەلىدە اقپارات شىققان، ونى كوردىم. قازىرگى تاڭدا تولىق تەكسەرىس جۇرگىزەمىز. بۇگىن اكىمشىلىك پوليسيا كوميتەتىندە تاپسىرما بەردىك"، - دەيدى ءادىلوۆ.
ەسكە سالايىق، بۇعان دەيىن تاۋەلسىزدىك كۇنى كولىگىنە تۋدى ىلگەن جۇرگىزۋشىلەرگە ايىپپۇل سالىنعانى حابارلانعان ەدى.
بۇل تۋرالى الەۋمەتتىك جەلىدە ۆيدەولار تارادى.
ەرقانات تاۋكەبايەۆ ەسىمدى facebook قولدانۋشىسىنىڭ سوزىنشە، 47 اۆتوبۋسقا ىلىنگەن قازاقتىڭ تۋىن الماتى پوليسياسى الىپ تاستاعان.
