Ánshi Erke Esmahan AQSh-qa berilgen vizanyń merzimi tym qysqa bolǵandyqtan, josparlanǵan kontsertter keiinge shegerilgenin málimdedi, dep habarlaidy Dalanews.kz.
“Aqpannyń 5-i kúni vizaǵa ótinish berdik. Búgin qujattarymyzdy qolymyzǵa aldyq, biraq AQSh-ta bolýǵa berilgen ýaqyt bar bolǵany eki kún. Kúieýimniń de vizasy dál sondai. Bizdiń kontsertterge múldem sai emes. Bilikti mamandarmen aqyldasyp, sheshimge keldik. Árine, vizadaǵy datamen baryp, AQSh-ta qalýǵa bolady. Biraq jańa prezidenttiń tapsyrmasymen bul jaǵdai qatań baqylaýda tur. Sondyqtan uiymdastyrýshylarǵa aityp, kontsertterdi keiinge qaldyrdyq”, – dep jazdy Erke Esmahan.
Ánshi Amerikaǵa buǵan deiin de birneshe ret bara almai qalǵanyn atap ótti.
“Islamǵa aiaǵym aýyr kezde viza máselesi týyndap, Raim ózi baryp kontsert qoidy. Keiin taǵy bir márte viza ala almadyq. Endi mine, úshinshi ret jol túspedi. Bir jaǵynan, bul da qaiyr shyǵar. Qazirgi jaǵdaiymdy eskersek, 20 saǵattyq ushaq sapary da ońai emes. Sol sebepti sabyrǵa kelip, jaǵdaidy ýaiymdamai qabyldadym”, – dep bólisti ol.
