ءانشى ەركە ەسماحان اقش-قا بەرىلگەن ۆيزانىڭ مەرزىمى تىم قىسقا بولعاندىقتان، جوسپارلانعان كونسەرتتەر كەيىنگە شەگەرىلگەنىن مالىمدەدى، دەپ حابارلايدى Dalanews.kz.
“اقپاننىڭ 5ء-ى كۇنى ۆيزاعا ءوتىنىش بەردىك. بۇگىن قۇجاتتارىمىزدى قولىمىزعا الدىق، ءبىراق اقش-تا بولۋعا بەرىلگەن ۋاقىت بار بولعانى ەكى كۇن. كۇيەۋىمنىڭ دە ۆيزاسى ءدال سونداي. ءبىزدىڭ كونسەرتتەرگە مۇلدەم ساي ەمەس. بىلىكتى ماماندارمەن اقىلداسىپ، شەشىمگە كەلدىك. ارينە، ۆيزاداعى داتامەن بارىپ، اقش-تا قالۋعا بولادى. ءبىراق جاڭا پرەزيدەنتتىڭ تاپسىرماسىمەن بۇل جاعداي قاتاڭ باقىلاۋدا تۇر. سوندىقتان ۇيىمداستىرۋشىلارعا ايتىپ، كونسەرتتەردى كەيىنگە قالدىردىق”، – دەپ جازدى ەركە ەسماحان.
ءانشى امەريكاعا بۇعان دەيىن دە بىرنەشە رەت بارا الماي قالعانىن اتاپ ءوتتى.
“يسلامعا اياعىم اۋىر كەزدە ۆيزا ماسەلەسى تۋىنداپ، رايم ءوزى بارىپ كونسەرت قويدى. كەيىن تاعى ءبىر مارتە ۆيزا الا المادىق. ەندى مىنە، ءۇشىنشى رەت جول تۇسپەدى. ءبىر جاعىنان، بۇل دا قايىر شىعار. قازىرگى جاعدايىمدى ەسكەرسەك، 20 ساعاتتىق ۇشاق ساپارى دا وڭاي ەمەس. سول سەبەپتى سابىرعا كەلىپ، جاعدايدى ۋايىمداماي قابىلدادىم”، – دەپ ءبولىستى ول.
