AQSh prezidenti Donald Tramp Iranmen ekonomikalyq nemese ózge de bailanysy bar elderge qatysty 25 paiyzdyq kedendik baj salyǵyn engizý týraly sheshim qabyldaǵanyn jariialady, dep habarlaidy Dalanews.kz.
Ol bul týraly Truth Social áleýmettik jelisindegi paraqshasynda jazdy. Tramptyń aitýynsha, budan bylai Iran Islam Respýblikasymen kez kelgen formatta is júrgizetin memleketter AQSh-pen jasalatyn barlyq operatsiialar boiynsha 25% baj salyǵyn tóleýge mindetti bolady.
«Osy sátten bastap Iran Islam Respýblikasymen jumys isteitin kez kelgen el Amerika Qurama Shtattarymen júrgizetin barlyq operatsiialary úshin 25 paiyzdyq baj tóleidi», – dep jazdy Tramp.
Buǵan deiin Donald Tramp óz ákimshiligi Irandaǵy jappai tártipsizdikterdi basyp-janshýyna jaýap retinde birneshe nusqany, sonyń ishinde áskeri kúsh qoldaný múmkindigin de qarastyryp jatqanyn habarlaǵan edi.
