اقش پرەزيدەنتى دونالد ترامپ يرانمەن ەكونوميكالىق نەمەسە وزگە دە بايلانىسى بار ەلدەرگە قاتىستى 25 پايىزدىق كەدەندىك باج سالىعىن ەنگىزۋ تۋرالى شەشىم قابىلداعانىن جاريالادى، دەپ حابارلايدى Dalanews.kz.
ول بۇل تۋرالى Truth Social الەۋمەتتىك جەلىسىندەگى پاراقشاسىندا جازدى. ترامپتىڭ ايتۋىنشا، بۇدان بىلاي يران يسلام رەسپۋبليكاسىمەن كەز كەلگەن فورماتتا ءىس جۇرگىزەتىن مەملەكەتتەر اقش-پەن جاسالاتىن بارلىق وپەراسيالار بويىنشا 25% باج سالىعىن تولەۋگە مىندەتتى بولادى.
«وسى ساتتەن باستاپ يران يسلام رەسپۋبليكاسىمەن جۇمىس ىستەيتىن كەز كەلگەن ەل امەريكا قۇراما شتاتتارىمەن جۇرگىزەتىن بارلىق وپەراسيالارى ءۇشىن 25 پايىزدىق باج تولەيدى»، – دەپ جازدى ترامپ.
بۇعان دەيىن دونالد ترامپ ءوز اكىمشىلىگى يرانداعى جاپپاي تارتىپسىزدىكتەردى باسىپ-جانشۋىنا جاۋاپ رەتىندە بىرنەشە نۇسقانى، سونىڭ ىشىندە اسكەري كۇش قولدانۋ مۇمكىندىگىن دە قاراستىرىپ جاتقانىن حابارلاعان ەدى.
