AQSh prezidenti Donald Tramp Iranmen aradaǵy atysty toqtatý rejimin taǵy birneshe kúnge uzartýǵa daiyn. Bul týraly derekkózder jazdy, dep habarlaidy Dalanews.kz.
Olardyń biriniń aitýynsha, Vashington Tegeranǵa qosymsha 3-5 kún ýaqyt berýge nietti. Alaida bul merzim uzaqqa sozylmaidy. AQSh tarapy osy qysqa ýaqyt ishinde Iran biligi naqty ári túsinikti usynys usynady dep kútip otyr.
Al Iran Syrtqy ister ministrliginiń ókili Esmail Bagai Tegerannyń AQSh-pen jańa kelissózder kezeńine qatysý-qatyspaýy ázirge sheshilmegenin aitty. Onyń sózinshe, Vashingtonnyń áreketi birizdi emes, ustanymy jii ózgerip otyrady, bul diplomatiialyq úderisti álsiretip otyr.
Iran tarapy kelissózderge qatysty sheshim eldiń ulttyq múddesin eskere otyryp keiinirek qabyldanatynyn málimdedi.
Eske salaiyq, buǵan deiin Tramp Iranmen aradaǵy tynyshtyq kelisiminiń ýaqytyn uzartqanyn jazdyq.
