AQSh prezidenti Donald Tramp Iranmen qandai da bir kelisim tek «sózsiz kapitýliatsiia» jaǵdaiynda ǵana múmkin ekenin málimdedi, dep habarlaidy Dalanews.kz.
Bul týraly amerikalyq kóshbasshy 6 naýryz, juma kúni Truth Social áleýmettik jelisindegi paraqshasynda jazdy.
«Iranmen eshqandai kelisim bolmaidy, tek sózsiz kapitýliatsiia bolǵan jaǵdaida ǵana! Osydan keiin jáne uly ári qolaily kóshbasshy (nemese kóshbasshylar) tańdalǵan soń biz kóptegen tamasha ári batyl odaqtastarymyzben jáne seriktesterimizben birge Irandy kúireýdiń sheginen alyp shyǵý úshin tynymsyz jumys isteimiz. Eldi burynǵydan da ekonomikalyq turǵydan úlken, myqty ári qýatty memleketke ainaldyramyz», – dep jazdy Tramp.
Onyń pikirinshe, Irandy alda «zor bolashaq» kútip tur.
«Irandy qaitadan uly etemiz – MIGA!» – dep qosty AQSh prezidenti. Bul uran «Make Iran Great Again» (Irandy qaitadan uly eteiik) degendi bildiredi.
Keiingi jazbasynda Aq úi basshysy Taiaý Shyǵysta adamdardy jappai kóshirý jumystary júrgizilip jatqanyn habarlady.
«Biz Taiaý Shyǵystyń ártúrli elderinen myńdaǵan adamdy kóshirý jumystaryn júrgizip jatyrmyz. Bul tynysh ári eshbir kidirissiz júzege asýda. Memlekettik departamentti basqaryp otyrǵan hatshy Marko Rýbio bul jumysty óte jaqsy atqaryp jatyr», – dedi Tramp.
