اقش پرەزيدەنتى دونالد ترامپ يرانمەن قانداي دا ءبىر كەلىسىم تەك «ءسوزسىز كاپيتۋلياسيا» جاعدايىندا عانا مۇمكىن ەكەنىن مالىمدەدى، دەپ حابارلايدى Dalanews.kz.
بۇل تۋرالى امەريكالىق كوشباسشى 6 ناۋرىز، جۇما كۇنى Truth Social الەۋمەتتىك جەلىسىندەگى پاراقشاسىندا جازدى.
«يرانمەن ەشقانداي كەلىسىم بولمايدى، تەك ءسوزسىز كاپيتۋلياسيا بولعان جاعدايدا عانا! وسىدان كەيىن جانە ۇلى ءارى قولايلى كوشباسشى (نەمەسە كوشباسشىلار) تاڭدالعان سوڭ ءبىز كوپتەگەن تاماشا ءارى باتىل وداقتاستارىمىزبەن جانە سەرىكتەستەرىمىزبەن بىرگە يراندى كۇيرەۋدىڭ شەگىنەن الىپ شىعۋ ءۇشىن تىنىمسىز جۇمىس ىستەيمىز. ەلدى بۇرىنعىدان دا ەكونوميكالىق تۇرعىدان ۇلكەن، مىقتى ءارى قۋاتتى مەملەكەتكە اينالدىرامىز»، – دەپ جازدى ترامپ.
ونىڭ پىكىرىنشە، يراندى الدا «زور بولاشاق» كۇتىپ تۇر.
«يراندى قايتادان ۇلى ەتەمىز – MIGA!» – دەپ قوستى اقش پرەزيدەنتى. بۇل ۇران «Make Iran Great Again» (يراندى قايتادان ۇلى ەتەيىك) دەگەندى بىلدىرەدى.
كەيىنگى جازباسىندا اق ءۇي باسشىسى تاياۋ شىعىستا ادامداردى جاپپاي كوشىرۋ جۇمىستارى جۇرگىزىلىپ جاتقانىن حابارلادى.
«ءبىز تاياۋ شىعىستىڭ ءارتۇرلى ەلدەرىنەن مىڭداعان ادامدى كوشىرۋ جۇمىستارىن جۇرگىزىپ جاتىرمىز. بۇل تىنىش ءارى ەشبىر كىدىرىسسىز جۇزەگە اسۋدا. مەملەكەتتىك دەپارتامەنتتى باسقارىپ وتىرعان حاتشى ماركو رۋبيو بۇل جۇمىستى وتە جاقسى اتقارىپ جاتىر»، – دەدى ترامپ.
