AQSh prezidenti Donald Tramp Qazaqstandy jáne Memleket basshysy Qasym-Jomart Toqaevty Gaza máselesi jónindegi Beibitshilik keńesiniń quramyna shaqyrdy, dep habarlaidy Dalanews.kz.
Bul aqparatty Tengrinews agenttigine Prezidenttiń baspasóz hatshysy Rýslan Jeldibai rastady.
Onyń aitýynsha, Qasym-Jomart Toqaev álem kóshbasshylarynyń qatarynda alǵashqylardyń biri bolyp atalǵan keńestiń quramyna resmi shaqyrtý alǵan.
«Iá, Prezident Qasym-Jomart Toqaev álemdik kóshbasshylardyń ishinde alǵashqylardyń biri bolyp Beibitshilik keńesiniń quramyna kirýge resmi shaqyrtý aldy. Qazaqstanǵa osy jańa birlestiktiń quryltaishy memleketteriniń biri bolý usynyldy. Memleket basshysy jaýap retinde AQSh prezidentiniń atyna shynaiy rizashylyǵyn bildirip, bul bastamany qoldaitynyn jáne Keńes quramyna kirýge kelisimin rastaǵan hat joldady», - dedi Rýslan Jeldibai.
Eske salaiyq, AQSh prezidenti Donald Tramptyń ákimshiligi Gazadaǵy jaǵdaidy retteýge arnalǵan «Beibitshilik keńesine» úsh jyldan astam ýaqyt múshe bolǵysy keletin elderden 1 mlrd dollar kóleminde jarna tóleýdi usynǵan bolatyn.
Uiymnyń jarǵy jobasyna sáikes, keńestiń alǵashqy tóraǵasy mindetin AQSh prezidenti atqarady. Sondai-aq, uiymǵa qai elderdiń múshe bolatynyn ózi sheshpekshi.
