AQSH basshysy Donald Tramp prezıdent Qasym-Jomart Toqaevqa erekshe syılyq jibergen, dep habarlaıdy Dalanews.kz.
Qazaqstan Respýblıkasynyń AQSH-taǵy elshisi Maǵjan İlıasov Prezıdent Donald Trampqa Senim gramotasyn tapsyrý rásiminen keıin ekeýi az-kem áńgimelesken. Amerıka basshysy bıyl qarasha aıynda Qasym-Jomart Toqaevpen Aq úıdegi kezdesýden alǵan áserimen bólisti.
"Qurama Shtattar kóshbasshysy Qazaqstan Prezıdentine jyly lebizin joldap, ony qurmetteıtinin atap ótti. Sondaı-aq Qasym-Jomart Toqaevty «halyqaralyq úderisterdi tereń biletin ári jan-jaqty túsinetin tájirıbeli memleket qaıratkeri, keremet adam» dep sıpattady", - deıdi prezıdenttiń kómekshisi – baspasóz hatshysy Rýslan Jeldibaı.
AQSH Prezıdenti Memleket basshysyna syı-syıapat joldaǵan. Olardyń arasynda Aq úıdiń sımvolıkalyq kilti men óziniń qoltańbasy qoıylǵan beısbolka da bar.
