اقش باسشىسى دونالد ترامپ پرەزيدەنت قاسىم-جومارت توقايەۆقا ەرەكشە سىيلىق جىبەرگەن، دەپ حابارلايدى Dalanews.kz.
قازاقستان رەسپۋبليكاسىنىڭ اقش-تاعى ەلشىسى ماعجان ءىلياسوۆ پرەزيدەنت دونالد ترامپقا سەنىم گراموتاسىن تاپسىرۋ راسىمىنەن كەيىن ەكەۋى از-كەم اڭگىمەلەسكەن. امەريكا باسشىسى بيىل قاراشا ايىندا قاسىم-جومارت توقايەۆپەن اق ۇيدەگى كەزدەسۋدەن العان اسەرىمەن ءبولىستى.
"قۇراما شتاتتار كوشباسشىسى قازاقستان پرەزيدەنتىنە جىلى لەبىزىن جولداپ، ونى قۇرمەتتەيتىنىن اتاپ ءوتتى. سونداي-اق قاسىم-جومارت توقايەۆتى «حالىقارالىق ۇدەرىستەردى تەرەڭ بىلەتىن ءارى جان-جاقتى تۇسىنەتىن تاجىريبەلى مەملەكەت قايراتكەرى، كەرەمەت ادام» دەپ سيپاتتادى"، - دەيدى پرەزيدەنتتىڭ كومەكشىسى – باسپا ءسوز حاتشىسى رۋسلان جەلدىباي.
اقش پرەزيدەنتى مەملەكەت باسشىسىنا سىي-سىياپات جولداعان. ولاردىڭ اراسىندا اق ءۇيدىڭ سيمۆوليكالىق كىلتى مەن ءوزىنىڭ قولتاڭباسى قويىلعان بەيسبولكا دا بار.
