AQSh prezidenti Donald Tramptyń Florida shtatyndaǵy Mar-a-Lago rezidentsiiasynyń aýmaǵyna drobovikpen kirgen er adamnyń jeke basy anyqtaldy, dep habarlaidy Dalanews.kz.
Amerikalyq BAQ-tyń habarlaýynsha, ol 21 jastaǵy Ostin Taker Martin bolyp shyqqan.
Málimetterge sáikes, oqiǵadan birneshe kún buryn onyń otbasy jas jigitti iz-túzsiz joǵalǵandar qataryna engizgen. Sondai-aq 2023 jyly onyń ápkesi óz-ózine qol jumsaǵany belgili boldy. Tergeý nusqasyna qaraǵanda, Martin Soltústik Karolinadan Floridaǵa jol tartyp, jolai qarý satyp alǵan. Onyń kóliginen droboviktiń qoraby tabylǵan.
Aldyn ala aqparat boiynsha, ol kúzetiletin aýmaqqa qaqpadan kirgen kóliktiń artynan ilesip ótip ketken bolýy múmkin. Oqiǵa kezinde Donald Tramp Aq úide bolǵan.
Jergilikti sheriftiń málimetinshe, kúdikti ustalǵan sátte qarsylyq kórsetip, drobovikti sheriftiń orynbasary men Qupiia qyzmet ókilderine baǵyttaǵan. Osydan keiin quqyq qorǵaý organdary oq atqan. Kúdikti sol jerde qaza tapty.
Qazir oqiǵanyń barlyq mán-jaiy men kúdiktiniń áreketiniń sebepteri anyqtalyp jatyr.
