AQSh prezidenti Donald Tramp Polsha aýmaǵynda amerikalyq áskerdiń turaqty bazasyn ornalastyrý jónindegi kelissózderde aitarlyqtai ilgerileý baryn málimdedi, dep habarlaidy dalanews.kz.
Ol bul bastamanyń júzege asýyna Polsha prezidenti Karol Navrotskiidiń ustanymy yqpal etkenin atap ótti.
"Eger jospar iske assa, bazanyń ornalasatyn jeri jaqyn arada jariialanady. Bul AQSh pen Polsha arasyndaǵy odaqtastyq úshin tarihi qadam bolmaq", – dep jazdy Tramp Truth Social jelisinde.
Karol Navrotskii óz kezeginde Polsha qorǵanys salasyndaǵy yntymaqtastyqty odan ári nyǵaitýǵa daiyn ekenin málimdedi. Onyń sózinshe, el biligi amerikalyq áskeri baza úshin qolaily oryn usynýǵa kúsh salmaq.
Alaida bazany qurý týraly túpkilikti sheshim ázirge qabyldanǵan joq. Maýsym aiynda Polshanyń qorǵanys ministri Vladislav Kosiniak-Kamysh AQSh Qorǵanys ministrligi el aýmaǵynda turaqty áskeri kúsh ornalastyrý týraly usynysty qarastyrýǵa daiyn ekenin aitqan edi.
