اقش پرەزيدەنتٸ دونالد ترامپ پولشا اۋماعىندا امەريكالىق ەسكەردٸڭ تۇراقتى بازاسىن ورنالاستىرۋ جٶنٸندەگٸ كەلٸسسٶزدەردە ايتارلىقتاي ٸلگەرٸلەۋ بارىن مەلٸمدەدٸ, دەپ حابارلايدى dalanews.kz.
ول بۇل باستامانىڭ جٷزەگە اسۋىنا پولشا پرەزيدەنتٸ كارول ناۆروتسكييدٸڭ ۇستانىمى ىقپال ەتكەنٸن اتاپ ٶتتٸ.
"ەگەر جوسپار ٸسكە اسسا, بازانىڭ ورنالاساتىن جەرٸ جاقىن ارادا جارييالانادى. بۇل اقش پەن پولشا اراسىنداعى وداقتاستىق ٷشٸن تاريحي قادام بولماق", – دەپ جازدى ترامپ Truth Social جەلٸسٸندە.
كارول ناۆروتسكيي ٶز كەزەگٸندە پولشا قورعانىس سالاسىنداعى ىنتىماقتاستىقتى ودان ەرٸ نىعايتۋعا دايىن ەكەنٸن مەلٸمدەدٸ. ونىڭ سٶزٸنشە, ەل بيلٸگٸ امەريكالىق ەسكەري بازا ٷشٸن قولايلى ورىن ۇسىنۋعا كٷش سالماق.
الايدا بازانى قۇرۋ تۋرالى تٷپكٸلٸكتٸ شەشٸم ەزٸرگە قابىلدانعان جوق. ماۋسىم ايىندا پولشانىڭ قورعانىس مينيسترٸ ۆلاديسلاۆ كوسينياك-كامىش اقش قورعانىس مينيسترلٸگٸ ەل اۋماعىندا تۇراقتى ەسكەري كٷش ورنالاستىرۋ تۋرالى ۇسىنىستى قاراستىرۋعا دايىن ەكەنٸن ايتقان ەدٸ.
