Ýkraina men Eýropa úshin bul sammittiń qalai bolǵanyn áli aita almaimyz. Bir jaǵynan Tramp ashyp eshteńe aitpady jáne Ýkraina men Eýropa úshin dep bel sheshe kiriskenin de kóre almadyq, - dedi saiasattanýshy Evgenii Roshin Bi-bi-sige bergen suqbatynda. Biraq, onyń aitýynsha, ol kelesi tarapqa unamsyz jaittardy keliskisi kelýi múmkin, dep habarlaidy Dalanews.kz.
"Trampqa kóptiń nazarynda bolý úshin bul kezdesý de jáne ýáde etilgen aldaǵy kezdesý de qajet boldy. Ol buǵan qol jetkizdi", - dedi VVS-ge AQSh Memlekettik hatshysynyń Eýropa máseleleri jónindegi burynǵy kómekshisi Djeims O ' Braien. Onyń aitýynsha, qazir Pýtinniń óz degenine qol jetkizýine múmkindik týyp tur, biraq Tramptyń bul rette ne oilaityny jáne onyń óz ustanymyn qaita qaraý-qaramaýy áli belgisiz.
Edvard Rong Tramptyń kezdesýde Pýtinge asa kóńili tolmady dep sanaidy.
"Pýtin tilin taýyp, Trampty baýrap alýy múmkin dep kóp qoryqqan. Al Tramptyń aiaq-asty shalt qimyl jasaityny bar, ony qandai da bir sheshimge nemese kontsessiiaǵa itermeleýge bolady",- deidi Rong. Tramp Pýtinmen sóileskennen keiin Fox-ke bergen suqbatynda oǵan daiyndyǵy týraly kóp aitqan ýáde etilgen jańa kezdesý - mańyzdy jetistik dep sanamaimyn. Kezdesýdi josparlaýǵa, kelisýge bolady, biraq eger naqty kún belgilenbese, onda bul týraly aldyn ala málimdeýdiń maǵynasy joq. Barlyǵy jospar deńgeiinde qala beredi. Al kelissózdi dúnie tóńkerilip, bári ydyraǵansha sheksiz júrgize berýge bolady", — dedi Rong.
Resei prezidenti uzaq ýaqyt boiy KSRO-ǵa degen áýestigin jáne iri elder álemdi yqpal etý salalaryna bólip qarastyratyn halyqaralyq qatynastar modeline oralýǵa degen umtylysyn jasyrmaidy. Mundai talap qazirgi eýropalyq qaýipsizdik júiesine selkeý túsirýde.
"Baltyq jáne NATO-ǵa múshe Shyǵys Eýropa elderiniń mundai qaǵidaǵa kelisýi Ýkrainanyń jeńilisin ǵana bildirmeidi, bul myqty kórshilerdiń óz degenin kishigirim elderge júrgizý ideiasyn zańdastyrýmen para-par. Pýtin Ýkrainadaǵy soǵysty tek aýmaqtyq daý retinde ǵana emes, sonymen birge álemdik saiasattyń qurylymyn qaita qurýdyń tetigi retinde de qoldanýǵa tyrysady. Ol Resei úshin batys elderiniń qaýipsizdik arhitektýrasyna áser etý quqyǵyn talap etip alýǵa tyrysady. Pýtinniń Resei men AQSh-tyń jaqyndyǵyna basa nazar aýdarǵan sózi bul gipotezany rastaidy. Ol: "Bizdi muhittar bólip tursa da, bizdiń elderimiz shyn máninde jaqyn jatqan kórshiler", - dedi emes pe? Biraq Tramp Pýtinge aradaǵy qarym-qatynasty qalypqa keltirý turǵysynda eshteńe ýáde etken joq. Iá, ony AQSh-ta joǵary deńgeide qabyldady, Pýtinge bul moiyndaý mańyzdy, biraq jalǵyz moiyndaýdy nanǵa "mai qylyp jaǵa almaisyz", ol valiýtaǵa aiyrbastaýǵa kelmeidi", - deidi saiasattanýshy Roshin.
Al saiasattanýshy Daniel Frid: "Trampqa qandai da bir progreske qol jetkizdim dep keiip tanytýdy qoiý kerek, eger eshqandai progress bolmasa ", dep saldy.
Buǵan deiin Tramp pen Pýtinniń Aliaskadaǵy kelissózderiniń qorytyndysy jariialanǵanyn jazǵanbyz.
