ۋكراينا مەن ەۋروپا ءۇشىن بۇل ءسامميتتىڭ قالاي بولعانىن ءالى ايتا المايمىز. ءبىر جاعىنان ترامپ اشىپ ەشتەڭە ايتپادى جانە ۋكراينا مەن ەۋروپا ءۇشىن دەپ بەل شەشە كىرىسكەنىن دە كورە المادىق، - دەدى ساياساتتانۋشى ەۆگەنيي روششين بي-بي-سيگە بەرگەن سۇقباتىندا. ءبىراق، ونىڭ ايتۋىنشا، ول كەلەسى تاراپقا ۇنامسىز جايتتاردى كەلىسكىسى كەلۋى مۇمكىن، دەپ حابارلايدى Dalanews.kz.
"ترامپقا كوپتىڭ نازارىندا بولۋ ءۇشىن بۇل كەزدەسۋ دە جانە ۋادە ەتىلگەن الداعى كەزدەسۋ دە قاجەت بولدى. ول بۇعان قول جەتكىزدى"، - دەدى ۆۆس-گە اقش مەملەكەتتىك حاتشىسىنىڭ ەۋروپا ماسەلەلەرى جونىندەگى بۇرىنعى كومەكشىسى دجەيمس و ' برايەن. ونىڭ ايتۋىنشا، ءقازىر ءپۋتيننىڭ ءوز دەگەنىنە قول جەتكىزۋىنە مۇمكىندىك تۋىپ تۇر، ءبىراق ترامپتىڭ بۇل رەتتە نە ويلايتىنى جانە ونىڭ ءوز ۇستانىمىن قايتا قاراۋ-قاراماۋى ءالى بەلگىسىز.
ەدۆارد رونگ ترامپتىڭ كەزدەسۋدە پۋتينگە اسا كوڭىلى تولمادى دەپ سانايدى.
"پۋتين ءتىلىن تاۋىپ، ترامپتى باۋراپ الۋى مۇمكىن دەپ كوپ قورىققان. ال ترامپتىڭ اياق-استى شالت قيمىل جاسايتىنى بار، ونى قانداي دا ءبىر شەشىمگە نەمەسە كونسەسسياعا يتەرمەلەۋگە بولادى"،- دەيدى رونگ. ترامپ پۋتينمەن سويلەسكەننەن كەيىن Fox-كە بەرگەن سۇقباتىندا وعان دايىندىعى تۋرالى كوپ ايتقان ۋادە ەتىلگەن جاڭا كەزدەسۋ - ماڭىزدى جەتىستىك دەپ سانامايمىن. كەزدەسۋدى جوسپارلاۋعا، كەلىسۋگە بولادى، ءبىراق ەگەر ناقتى كۇن بەلگىلەنبەسە، وندا بۇل تۋرالى الدىن الا مالىمدەۋدىڭ ماعىناسى جوق. بارلىعى جوسپار دەڭگەيىندە قالا بەرەدى. ال كەلىسسوزدى دۇنيە توڭكەرىلىپ، ءبارى ىدىراعانشا شەكسىز جۇرگىزە بەرۋگە بولادى"، — دەدى رونگ.
رەسەي پرەزيدەنتى ۇزاق ۋاقىت بويى كسرو-عا دەگەن اۋەستىگىن جانە ءىرى ەلدەر الەمدى ىقپال ەتۋ سالالارىنا ءبولىپ قاراستىراتىن حالىقارالىق قاتىناستار مودەلىنە ورالۋعا دەگەن ۇمتىلىسىن جاسىرمايدى. مۇنداي تالاپ قازىرگى ەۋروپالىق قاۋىپسىزدىك جۇيەسىنە سەلكەۋ تۇسىرۋدە.
"بالتىق جانە ناتو-عا مۇشە شىعىس ەۋروپا ەلدەرىنىڭ مۇنداي قاعيداعا كەلىسۋءى ۋكراينانىڭ جەڭىلىسىن عانا بىلدىرمەيدى، بۇل مىقتى كورشىلەرءدىڭ ءوز دەگەنىن كىشىگىرىم ەلدەرگە جۇرگىزۋ يدەياسىن زاڭداستىرۋمەن پارا-پار. پۋتين ۋكرايناداعى سوعىستى تەك اۋماقتىق داۋ رەتىندە عانا ەمەس، سونىمەن بىرگە الەمدىك ساياساتتىڭ قۇرىلىمىن قايتا قۇرۋدىڭ تەتىگى رەتىندە دە قولدانۋعا تىرىسادى. ول رەسەي ءۇشىن باتىس ەلدەرىنىڭ قاۋىپسىزدىك ارحيتەكتۋراسىنا اسەر ەتۋ قۇقىعىن تالاپ ەتىپ الۋعا تىرىسادى. ءپۋتيننىڭ رەسەي مەن اقش-تىڭ جاقىندىعىنا باسا نازار اۋدارعان ءسوزى بۇل گيپوتەزانى راستايدى. ول: "ءبىزدى مۇحيتتار ءبولىپ تۇرسا دا، ءبىزدىڭ ەلدەرىمىز شىن مانىندە جاقىن جاتقان كورشىلەر"، - دەدى ەمەس پە؟ ءبىراق ترامپ پۋتينگە اراداعى قارىم-قاتىناستى قالىپقا كەلتىرۋ تۇرعىسىندا ەشتەڭە ۋادە ەتكەن جوق. ءيا، ونى اقش-تا جوعارى دەڭگەيدە قابىلدادى، پۋتينگە بۇل مويىنداۋ ماڭىزدى، ءبىراق جالعىز مويىنداۋدى نانعا "ماي قىلىپ جاعا المايسىز"، ول ۆاليۋتاعا ايىرباستاۋعا كەلمەيدى"، - دەيدى ساياساتتانۋشى روششين.
ال ساياساتتانۋشى دانيەل فريد: "ترامپقا قانداي دا ءبىر پروگرەسكە قول جەتكىزدىم دەپ كەيىپ تانىتۋدى قويۋ كەرەك، ەگەر ەشقانداي پروگرەسس بولماسا "، دەپ سالدى.
بۇعان دەيىن ترامپ پەن ءپۋتيننىڭ الياسكاداعى كەلىسسوزدەرىنىڭ قورىتىندىسى جاريالانعانىن جازعانبىز.
